Прыбужанская раўніна — раўніна на захадзе Берасьцейскай і паўднёвым захадзе Гарадзенскай абласьцей Беларусі, заходзіць на тэрыторыю Польшчы.
Мяжуе з Ваўкавыскім узвышшам, Загародзьдзем, Баранавіцкай раўнінай, Берасьцейскім Палесьсем. Працягласьць з паўднёвага захаду на паўночны ўсход амаль 140 км, шырыня 40—75 км, плошча 5,8 тыс. км². Паверхня плоскахвалістая. Пераважаюць вышыні 175—200 м над узроўнем мора.
Праз паўночную частку раўніны праходзіць Балтыйска-Чарнаморскі водападзел. Найвялікшая рака — Заходні Буг з прытокамі Лясной і Пульвай. Па тэрыторыі Прыбужанскай раўніны працякаюць рэкі Белая, Нараў з Нараўкай, Ясельда і канал Вінец.
Лясістасьць невялікая (9,7%), за выключэньнем паўночнай ускраіны, дзе знаходзіцца вялікая частка Белавескай пушчы. Захаваліся пераважна хваёвыя лясы. Па раўніне праходзіць паўднёвая мяжа суцэльнага распаўсюджаньня елкі: Бушмічы — Камянец — Рэчыца — Шчарчова — Гарадзечна. Сустракаюцца дубровы з прымесьсю сасны, елкі, ясеня, распаўсюджаны вытворныя бародаўчата-бярозавыя лясы.
Найбуйнейшыя балотныя масівы: Дзікае балота, Харэўскае балота, Дзікі Нікар. Разараныя 50% тэрыторыі на поўдні і 25% на поўначы. Нацыянальны парк Белавеская пушча, заказьнікі: гідралягічны — Дзікае, біялягічны — Міхалінска-Бярозаўскі.
This article uses material from the Wikipedia Беларуская (тарашкевіца) article Прыбужанская раўніна, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.