Зборнік Песьня Будаўніцтву: зборнік вершаў Янкі Купалы

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Песьня будаўніцтву (неадназначнасьць).

Тыраж зборніку склаў 6185 асобнікаў.

«Песьня будаўніцтву»
Вокладка зборніку «Песьня будаўніцтву» (Менск, 1936)
Жанр:	верш, паэма
Аўтар:	Янка Купала
Мова арыгіналу:	беларуская
Публікацыя:	1936

Назву зборніку даў аднайменны верш. У зборнік увайшла частка вершаў ляўкоўскага цыклю: «Алеся», «Вечарынка», «Госьці», «Лён», «Сонцу», «Старыя акопы», «Хлопчык і лётчык» і інш. З ранейшых паэтычных зборнікаў Купалы ў гэты зборнік увайшоў толькі верш «Арлянятам». У зборніку шырока ўжываецца любімы паэтам мастацкі прыём супастаўленьня старога і новага («Украіна», «Якубу Коласу»). Значнае месца займае міжнародная тэма («Настане такая часіна», «А ў Вісьле плавае тапелец…»). Частка вершаў мае рытарычны характар («Нашай Канстытуцыі», "Калгасу «Чырвоны баец», «Маё мне сонца правадыр»). У зборнік увайшлі дзьве паэмы Я. Купалы: «Барысаў» і «Над ракою Арэсай».

• Янка Купала: Энцыкл. даведнік / БелСЭ; Рэдкал.: І. П. Шамякін (гал. рэд.) і інш. — Мн., БелСЭ, 1986. — 727 с, 26 л. іл.; Артыкул «Песьня будаўніцтву (зборнік вершаў)» / Аўтар — М. Барсток. — С.479.
• Лойка А.. Як агонь, як вада… — Мн., 1984.
• Юрэвіч Ул.. Янка Купала: Нарыс жыцця і творчасці. — Мн., 1983.

• З Купалам — на «машыне часу»: Калі ж надрукавана «Песьня будаўніцтву»? на сайце Газэта «Культура», № 25 (1048) / 23—29 чэрвеня 2012