Вісла (па-польску: Wisła) — галоўная і найвялікшая рака Польшчы.
Таксама зьяўляецца найдаўжэйшай ракой басэйна Балтыйскага мора. Даўжыня Віслы складае 1047 км. Крыніцы ракі, Бяла Вісэлка (па-польску: Biała Wisełka) і першапачатковая (галоўная) крыніца Чарна Вісэлка (Czarna Wisełka), бяруць пачатак на вышыні 1106 м над узроўнем мора, на заходнім адхоне Баранінай Гары (па-польску: Barania Góra) у Сылескім Бэскідзе (Beskid Śląski; Заходнія Карпаты). Вісла ўпадае ў Гданьскі заліў (па-польску: Zatoka Gdańska) у 15 км на ўсход ад Гданьска. Плошча басэйну 194 424 км², зь якіх 168 699 км² плошча ў межах Польшчы. Астатнія часткі басэйну знаходзяцца ў межах Беларусі, Украіны і Славаччыны. Сама рака разьдзяляе Польшчу на дзьве часткі. Караблі ходзяць да Быдгашчу. У другой палове 20 стагодзьдзя ў сувязі з навукова-тэхнічнай рэвалюцыяй істотна пашырыўся партовы комплекс у эстуарыі Віслы. У Гданьску ўздоўж Мёртвай Віслы і партовага канала разьмешчаны ўнутраны порт.
Вісла | |
польск. Wisła | |
Вісла ў месцы злучэньня з Наравам | |
Агульныя зьвесткі | |
---|---|
Выток | Белая Віселка |
Вышыня вытоку | 1106 м н. у. м. |
Вусьце | Гданьскі заліў (Балтыйскае мора) |
Вышыня вусьця | 0 м н. у. м. |
Краіны басэйну | Польшча |
Вобласьці | Малапольскае ваяводзтва |
Даўжыня | 1047 км |
Сярэднегадавы сьцёк | 1080 м³/с |
Плошча басэйну | 194 424 км² |
Месцазнаходжаньне | |
Асноўныя прытокі | |
Левыя | Брда |
Правыя | Вепр, Нараў, Кураўка, Сан |
Вісла пачынаецца на поўдні Сылескім ваяводзтве Польшчы пры зьліцьці ракі Чорная Віселка (па-польску: Czarna Wisełka) на вышыні 1107 м і ракі Белая Віселка (па-польску: Biała Wisełka) на вышыні 1080 м на заходнім схіле Баранінай Гары, якая зьяўляецца часткай Сылезкага Бэскіду. Абедзьве ракі выцякаюць з Чорнага возера (па-польску: Jezioro Czerniańskie).
Верхняя тэраса Віслы адносіцца да цокальных тэрас. Субшыротныя адрэзкі Віслы і некаторых яе прытокаў заёмаюць прадаліны, утвараючы шырокія зандрава-алювіяльныя раўніны. у іх разьмешчаны горад Торунь і інш.
Упершыню назва «Вісла» згадваецца ў працы «Прыродазнаўства» старажытнарымскага гісторыка Плініюса Старэйшага ў 77 годзе. Ён выкарыстаў жаночы варыянт «Vistula» і мужчынскі варыянт назвы «Vistillus». Слова «Vistula» мае індаэўрапейскі корань «u̯eis», які абазначае «павольна цячы».
Гэта — накід артыкула па геаграфіі. Вы можаце дапамагчы Вікіпэдыі, пашырыўшы яго. |
This article uses material from the Wikipedia Беларуская (тарашкевіца) article Вісла, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.