Вёска Нач

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Нач.

На правым беразе ракі Лані.

Нач
трансьліт. Nač
Краіна:	Беларусь
Вобласьць:	Берасьцейская
Раён:	Ганцавіцкі
Сельсавет:	Нацкі
Насельніцтва
колькасьць:	224 чал. (2009)
колькасьць двароў:	135
Часавы пас:	UTC+3
Тэлефонны код:	+375 1646
Паштовы індэкс:	225453
Нумарны знак:	1
Геаграфічныя каардынаты:	52°50′34.0″ пн. ш. 26°40′23.7″ у. д. / 52.842778° пн. ш. 26.67325° у. д. / 52.842778; 26.67325 26°40′23.7″ у. д. / 52.842778° пн. ш. 26.67325° у. д. / 52.842778; 26.67325
Нач на мапе Беларусі ± Нач Нач
Галерэя здымкаў у Вікісховішчы

Назва паселішча ўтворана ад ракі Начы, на якой яно было калісьці заснавана.

У пачатку XIX стагодзьдзя вёска Круговіцкай воласьці Слуцкага павету Менскай губэрні, уласнасьць памешчыкаў Абуховічаў. У 1816 годзе — 14 двароў. У 1879 годзе дзейнічала капліца прыпісаная да Круговіцкага праваслаўнага прыходу. У 1885 годзе — 11 жыхароў. Побач знаходзіліся аднайменныя фальварак і засьценак. Паводле перапісу 1897 году ў вёсцы 24 двары, 164 жыхары, працавалі капліца, хлебазапасны магазін, вадзяны млын.

У 1921 годзе — вёска ў Круговіцкай гміне Лунінецкага павету Палескага ваяводзтва Польшчы, 263 жыхары. Побач зь вёскай знаходзіўся аднайменны фальварак, 9 дамоў, 63 жыхары.

З 15 студзеня 1940 году ў Ганцавіцкім раёне Пінскай вобласьці. З 12 кастрычніка 1940 году цэнтар Лактыскага сельсавету. У 1940 г. — 75 двароў 479 жыхароў.

З 8 студзеня 1954 году ў Берасьцейскай вобласьці. 16 ліпеня 1954 г. цэнтар Лактыскага сельсавету быў перанесены ў Нач, а сельсавет перайменаваны ў Нацкі. Паводле перапісу 1959 году 443 жыхары. З 25 сьнежня 1962 году да 30 ліпеня 1966 году ў Ляхавіцкім раёне.

• 2009 год — 224 жыхары, 135 двароў
• 1999 год — 342 жыхары
• 1970 год — 383 жыхары (перапіс)