Гільбэрт Кійт Чэстэртан: брытанскі пісьменьнік
Гі́льбэрт Кійт Чэ́стэртан (па-ангельску: Gilbert Keith Chesterton; 29 траўня 1874 — 14 чэрвеня 1936) — брытанскі пісьменьнік, журналіст, літаратуразнаўца ды апалягет хрысьціянства, у грамадзка-палітычным жыцьці — прыхільнік і абаронца дыстрыбутызму.
| Гільбэрт Кійт Чэстэртан | |
 | |
| Асабістыя зьвесткі | |
|---|---|
| Нарадзіўся | 29 траўня 1874[…]
|
| Памёр | 14 чэрвеня 1936[…] (62 гады) |
| Пахаваны | |
| Сужэнец | Фрэнсіс Чэстэртан[d] |
| Літаратурная дзейнасьць | |
| Род дзейнасьці | журналіст, паэт, навэліст, аўтабіёграф, пісьменьнік, сцэнарыст, філёзаф, біёграф, ілюстратар, аўтар дэтэктываў, гісторык літаратуры, эсэіст, драматург, публіцыст, гісторык, літаратурны крытык, прафэсар унівэрсытэту |
| Гады творчасьці | з 1890 |
| Жанр | эсэ і паэзія |
| Мова | ангельская мова |
| Узнагароды |  |
| Подпіс |  |
| https://chesterton.org | |
Біяграфія
Нарадзіўся 29 траўня 1874 году ў Лёндане. У 1901 годзе ажаніўся з Фрэнсіс Блог. Сябраваў з Хілэрам Бэлакам, а таксама з айцом Вінсэнтам МакНэбам. У канцы зямнога жыцьця Чэстэртана менавіта МакНэб прымаў ягоную апошнюю споведзь. У 1922 годзе перайшоў з англіканства ў каталіцтва. Памёр 14 чэрвеня 1936 году ў Бікансьфілдзе.
Бібліяграфія
Аўтар раманаў «Напалеон Нотынгхільскі» (The Napoleon of Notting Hill, 1904), «Чалавек, які быў чацьверам» (The Man Who Was Thursday, 1908), «Шар ды крыж» (The Ball And The Cross, 1910, 1927) ды іншых. Сусьветна вядомы ягоны цыкл дэтэктыўных апавяданьняў пра патэра Браўна. Вялікае месца ў творчасьці Чэстэртана займае хрысьціянская апалягетыка, найбольш значны твор па гэтай тэматыцы — кніга «Адвечны чалавек» (The Everlasting Man, 1925). Акрамя таго, Чэстэртан — аўтар літаратуразнаўчых працаў «Роберт Браўнінг» (Robert Browning, 1903), «Чарлз Дыкенз» (Charles Dickens, 1906), «Джордж Бернард Шоў» (George Bernard Shaw, 1909), «Роберт Луіс Стывенсан» (Robert Louis Stevenson, 1927) ды «Чосэр» (Chaucer, 1932).
Крыніцы
Вонкавыя спасылкі
This article uses material from the Wikipedia Беларуская (тарашкевіца) article Гільбэрт Кійт Чэстэртан, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.