Бергела (Біргела, Беркела, Бергель), Бэргайла — мужчынскае імя і вытворнае ад яго прозьвішча.
Бергела лац. Biergieła / Bierhieła | |
Bergel | |
Паходжаньне | |
---|---|
Мова(-ы) | германскія |
Утворанае ад | Berga + Gelo Berga + суфікс з элемэнтам -л- (-l-) |
Іншыя формы | |
Варыянт(ы) | Бергель, Біргела, Бэргайла, Беркела, Пергайла |
Зьвязаныя артыкулы | |
якія пачынаюцца з «Бергела» |
Бергіла, пазьней Бэргель (Bergila, Bergel) — імя германскага паходжаньня, вытворнае ад імя Berga. Іменная аснова -берг- паходзіць ад гоцкага bairgan 'хаваць, захоўваць', а аснова -гайл- (-гал-, -гел-) (імёны ліцьвінаў Відзігайла, Інгела, Монтгайла; германскія імёны Widigail, Ingeila, Montigel) — ад гоцкага і бургундзкага gails 'жвавы, свавольны, ганарысты'. Апроч таго, у старажытных германскіх імёнах шырока бытаваў антрапанімічны суфікс-пашыральнік з элемэнтам -л- (-l-).
Адпаведнасьць імя Бергайла германскаму імю Bergil (Berkil) сьцьвердзіў францускі лінгвіст-германіст Раймонд Шмітляйн, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў.
Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Berger.
У 1595 годзе ў Каралявецкім унівэрсытэце навучаўся Valentinus Bergaw, Friedlandinus Borussus, у 1622 годзе — Adrianus Bergaw, Kaymensis Borusssus, у 1627 годзе — Daniel Berger, Regiomont. Borussus.
У Польшчы адзначаюцца прозьвішчы Бэргала (Bergałło) і Біргель (Birgel, Birgiel).
Варыянты імя ў гістарычных крыніцах: [земля] Перкгаилова (1440—1492 гады); в Жижморъскои волости десяти чоловеков къ своему дворцу на Вельи… Невра Биркгеловича (14 кастрычніка 1494 году); Augustinus Bergel (17 сакавіка 1584 году); s panem Adamem Pergayłowiczem, Pani Biergielowa wysłała syna po kozacku na koniu (1621 год); Якимь Берекгеленко (1649 год); Микулай Александров сын Беркелов, Якуб Александров сын Беркелов, Ян Александров сын Бергель (1655 год); Kazimierz Biergiel (1690 год); Jakub Biergiel… Jan Biergiel… Jerzy Biergiel… Bartłomiey Biergiel… Maciey Biergiel.. Paweł Biergiel (1765 год); Franciszek Bergiel (9 лютага 1785 году); Andrzej Biergiel… Kazimierz Biergiel… Jan Biergiel… Adam Biergiel (16 лістапада 1790 году); Bartłomiej Biergiel (18 лістапада 1790 году).
Бергелі (Bergel) гербу Бэлты — літоўскі шляхецкі род зь Вільні і Віленскага павету.
Бергелі (Biergiel) — літоўскі шляхецкі род зь Вільні.
Бэргайлы гербу Бэлты і Біргялы гербу Порай — літоўскія шляхецкія роды.
Бэргелевічы (Bergielewicz) гербу Бэлты — шляхецкі род Рэчы Паспалітай.
На гістарычнай Ваўкавышчыне існуе вёска Бергелі.
This article uses material from the Wikipedia Беларуская (тарашкевіца) article Бергела, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.