Іён

Іёны могуць утварацца з атамаў, малекулаў, радыкалаў і іншых іёнаў.

Панятак і назва іён былі прапанаваныя Майклам Фарадэем у 1834 годзе. Іён з дадатным зарадам (недахопам электронаў) завуцца катыёнамі, іёны з адмоўным зарадам (лішкам электронаў) — аніёнамі. Зарад іёнаў заўсёды роўны цэлай колькасьці зарадаў электрона. Знак зарада пазначаюць адпаведна знакамі плюс і мінус, велічыня зарада іёна ў адзінках зарада электрона пазначаецца лічбай; лічба 1 звычайна ня пішацца (напрыклад, Na⁺, Cl^-, Ca²⁺, SO₄^2-).

Іёны маюць наступныя ўласьцівасьці:

• Уваходзяць у склад малекулаў, у выглядзе самастойных часьцінак сустракаюцца ў плязьме, газах, вадкасьцях, крышталях.
• У газах звычайна ўтвараюцца ў працэсе іянізацыі пад узьдзеяньнем часьцінак або электрамагнітнага выпраменьваньня з высокай энэргіяй.
• У рашчынах утвараюцца ў працэсах дысацыяцыі электралітаў.
• У жывых арганізмах актыўна ўдзельнічаюць у абмене рэчываў, напрыклад у працэсах пераносу ўзбуджэньня па сынапсах.

  Іён — сховішча мультымэдыйных матэрыялаў