An manggosten (Garcinia mangostana), sarong tropikal na tinanom na nagkakahoy.
An mga dahon kaini dai nagtatatâ asin tal nagtutubo sa Sur-subangan na Asya asin man lakop sa mga tropikal na lugar kan Habagatan Amerika arog kan Columbia, siring man sa estado nin Kerala sa Indya asin sa Puerto Rico. An kahoy na ini nalangkaw 6 abot 25 metro (20-82 pye). An prutas kaini mairom na lila an kolor kun hinog na asin an mga kunab sa laog mahamis asin matagok na an namit agid sa namit kan santol alagad mayo siya nin makusog na alsom. An bilang kan kunab parati anom napapatos sa kiri (exocarp) na mahibog nagkokolor na malamulang lila. An mga pisog nakukua sa saro o duwang kunab sana. Kasaro ini sa genus kan iba pang mangosteen arog kan inaapod na button mangosteen (G. prainiana) o kan charichuelo (G. madruno).
Manggosten | |
---|---|
Mga ilustrasyon gikan sa Fleurs, Fruits et Feuillages Choisis de l'Ile de Java 1863–1864 ni Berthe Hoola van Nooten (Pieter De Pannemaeker lithographer) | |
An kahoy na manggosten | |
Sayantipiko na klasipikasyon | |
Kahadean: | Plantae |
Klado: | Angiosperms |
Klado: | Eudicots |
Klado: | Core eudicots |
Klado: | Rosids |
Orden: | Malpighiales |
Pamilya: | Clusiaceae |
Genus: | Garcinia |
Espesyes: | G. mangostana |
Ngaran binomyal | |
Garcinia mangostana |
Ngane makakan an mga kunab, an bunga pinipilsî arog kan santol alagad manta an laman kan santol sa laog nakakakan pa, an laman kan manggosten dai napapakinabangan. Mas dakula an kunab na nagpapatos sa pisog kaini.
This article uses material from the Wikipedia Bikol article Manggosten, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.