An bolyum (Ingles: volume) iyo sarong kantidad nin nakasaradong tolong-dimensyonal na espasyo, halimbawa, an espasyo kan substansya (solido, likido, gas, o plasma) o 3D na korte na pig-ookupa o an igwa ini.
An bolyum iyo harus numerikal na pigkakantidad gamit an SI na deribong yunit na kubikong metro. An bolyum kan sarong kaagan iyo heneral na nahihiling bilang an kapasidad kan nasambit na kaagan; i.e., an bilang nin pluwido (gas o likido) na kaya kan kaagan na makapotan, imbes na an bilang nin espasyo na pighali kan kaagan.
Bolyum | |
---|---|
Sarong pangsukol na baso na pwede magamit sa pagsukol nin bolyum kan mga likido. An basong ini nagsusukol nin bolyum sa mga yunit nin cups, fluid ounce, asin millilitro. | |
Bistadong mga simbolo | V |
Yunit na SI | Kubikong metro [m3] |
Ibang mga yunit | Litro, fluid ounce, gallon, quart, pint, tsp, fluid dram, in3, yd3, barrel |
Sa basehang yunit nin SI | 1 m3 |
Dimensyon | L3 |
An tolong-dimensyonal na mga korte iyo pigtatawan man nin mga bolyum. An mga bolyum kan nagkapirang mga simpleng korte, arug kan regular, may matanos na gilid, asin mga pabliog na korte pwedeng pasil na makalkula gamit an mga aritmetikong pormula. An mga bolyum kan mga komplikadong korte pwedeng makalkula gamit an integral na kalkulus kun igwang pormula na yayaon para sa kapurohan kan korte. An mga sarong-dimensyonal na pigura (arug kan mga linya) asin duwang-dimensyonal na korte (arug kan mga kwadrado) iyo pigtatawan nin mayong bolyum sa tolong-dimensyonal na espasyo.
An bolyum kan solido (regular man o iregular an korte) pwede madetermina nin pluwidong displasamento (fluid displacement). An displasamento kan likido pwede man magamit sa pagdetermina kan bolyum nin gas. An kabilugang bolyum kan duwang substansya iyo harus mas dakula sa bolyum kan saro sana sa mga substansya. Alagad, minsan an sarong substansya iyo natutunaw sa saro asin sa mga arug kaining kaso - an kabilugang bolyum bakong aditibo (additive).
An Wiki Commons igwa nin medya dapit sa Bolyum. |
This article uses material from the Wikipedia Bikol article Bolyum, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.