Naruhito: Yapon imperator

İkinci Dünya müharibəsindən sonra doğulmuş ilk Yaponiya imperatoru.

Naruhito
yap. 皇太子徳仁親王
Yaponiyanın 126-cı İmperatoru
Vəzifədədir
1 may 2019-cu ildən
Əvvəlki	Akihito
Şəxsi məlumatlar
Doğum adı	浩宮徳仁親王
Doğum tarixi	23 fevral 1960(1960-02-23)[…] (64 yaş)
Doğum yeri	Çiyoda[d], Çiyoda, Tokio, Yaponiya
Fəaliyyəti	monarx, Əsilzadəlik
Atası	Akihito
Anası	Miçiko
Həyat yoldaşı	Masako Ovada
Uşağı	qızları: Aiko (Şahzadə Toşi)
Ailəsi	Yaponiya imperator evi
Dini	şintoizm
Elmi fəaliyyəti
Elm sahəsi	Yaponiya tarixi
Elmi dərəcəsi	Magistr
Təltifləri
Vikianbarda əlaqəli mediafayllar

 

Naruhito 1960-cı ilin fevral ayında Tokio imperiya sarayının hospitalında doğulub.

Naruhitonun uşaqlığının xoşbəxt keçdiyi bildirilir və onun atçılıq, musiqi və alpinizm kimi bir çox hobbisi var idi. Bir gün sarayın ərazisində qədim yolun qalıqlarını tapan Naruhito nəqliyyat tarixinə maraq duymağa başladı və öz bakalavr və magistr dərəcələrini də tarix fənnindən aldı. O, daha sonra dedi:"Mənim uşaqlıqdan bəri yollara marağım var idi. Yollar səni bilinməyən dünyaya aparırır. Mənim liderlik həyatım olandan bəri küçədə azad gəzmək şansım azdır, demək lazımdır ki, yollar bilinməyən dünyaya dəyərli bir körpüdür".

1974-cü ilin avqust ayında 14 yaşındakı şahzadə Avstraliyanın Melburn şəhərinə göndərildi. Naruhitonun atası Akihitonun bir il əvvəlki gəzintisindən sonra bu ərazi haqqında müsbət fikri var idi və o, oğlunu da getməsi üçün dəstəklədi. O, Colin Harper adlı biznesmenin ailəsində yaşadı. Şahzadə ev sahibinin uşaqları ilə skripka çaldı, tennis oynadı, Lonsdeyl ərazisində at sürdü və Uluruya dırmaşdı. O hətta Avstraliyada önəmli dövlət adamları üçün rəsmi naharda skripka çaldı.

Naruhitonun dörd yaşı olanda prestijli Qakuşuin məktəb sistemində qeydiyyata alındı. Bu Yaponiyada elit ailələrin uşaqlarını göndərdiyi məktəb idi. Naruhito coğrafiya klubuna qoşuldu.

Naruhito Qakuşuindan 1982-ci ildə tarix fənnində bakalavr dərəcəsi ilə məzun oldu. O, növbəti ilin iyul ayında İngiltərədəki Oksford Universitetinin Merton kollecinə daxil olmazdan əvvəl üç ay intensiv İngilis dili kursuna qatıldı. Naruhito burada 1986-cı ilə qədər qaldı . Naruhito öz 18-ci əsrdə Yuxarı Temzada naviqasiya və yol hərəkəti tədqiqi tezisini 1989-cu ilə qədər yoxlamağa təqdim edə bilmədi. O, daha sonra The Thames and I--a Memoir of Two Years at Oxford kitabında bu üç ilinə geri qayıtdı. Onun getdiyi yerlər arasında Trout Inn və The White Hart kimi yerlərin daxil olduğu 21 tarixi meyxana var. Naruhito Yapon cəmiyyətinə və Dram cəmiyyətinə qoşuldu, karate və cüdo cəmiyyətlərinin fəxri prezidenti oldu. O, burada tennis oynadı və Merton komandasında 6 nəfərdən üçüncüsü idi. Naruhito həm də mütəxəssis kimi qolf oynayırdı. Mertondakı ilk üç ilində o, Böyük Britaniyanın tərkibində olan dövlətlərin ən hündür zirvələrinə dırmaşdı: Şotlandiyada Ben Nevis, Uelsdə Snoudon və İngiltərədə Scafell Pike.

9 iyun 1993-cü ildə Naruhito Masako Owada ilə evlənmişdir. Cütlüyün 1 dekabr 2001-ci il təvəllüdlü Aiko adlı bir qızları var. 8 ildən sonra doğulan qız ilə taxta qadınların da keçməsini icazə verən qanunun çıxarılması önə sürülmüşdür. Çünki imperator Akihitonun qardaşı Şahzadə Hitaçinin övladı yox idi, imperatorun əmisi Şahzadə Mikasanın oğlan nəvəsi yox idi və Şahzadə Katsura heç evlənməmişdi. Ancaq Naruhitonun qardaşının oğlu olması ilə imperatorluq taxtının varisi bəlli oldu.

Fəxri dərəcələri

• Oksford Universiteti

Fəxri vəzifələri

• Yaponiyanın Qırmızı Xaç Komitəsinin fəxri vitse-prezidenti
• Birləşmiş Millətlər Təşkilatının baş katibinin Su və Sanitariyaya görə məşvərətçi şurasının fəxri prezidenti

• Hazırkı monarxların siyahısı