İngilis Dili: Hind-Avropa dillərinin german dillərinə aiddir

Doğma dil kimi 373 milyon insan tərəfindən istifadə olunur. İkinci dil kimi 1.08 milyard insan danışır (2022).

İngilis dili
Orijinal adı	English
Ölkələr	Amerika Samoası  Angilya  Antiqua və Barbuda  Aruba  Avstraliya  Baham adaları  Bəhreyn  Barbados  Beliz  Bermud adaları  Butan  Botsvana  Britaniya Hind okeanı əraziləri  Britaniya Virgin adaları  Bruney  Kamboca  Kamerun  Kanada  Kayman adaları  Kuk adaları  Dominika  Eritreya  Efiopiya  Folklend adaları  Fici  Qambiya  Qana  Cəbəllüttariq  Qrenada  ABŞ  Gernsi  Qayana  Hindistan  İrlandiya  Men adası  İsrail  Yamayka  Cersi  Keniya  Kiribati  Livan  Lesoto  Liberiya  Madaqaskar  Malavi  Malayziya  Maldiv adaları  Malta  Marşall adaları  Mavriki  Mikroneziya  Montserrat  Namibiya  Nauru  Yeni Zelandiya  Nigeriya  Niue  Oman  Pakistan  Palau  Papua-Yeni Qvineya  Filippin  Pitkern adaları  Ruanda  Müqəddəs Yelena, Askenson və Tristan-da-Kunya adaları  Sent-Kits və Nevis  Sent-Lüsiya  Sent Martin  Sent-Vinsent və Qrenadina  Samoa  Seyşel adaları  Syerra-Leone  Sinqapur  Sint-Marten  Solomon adaları  CAR  Cənubi Sudan  Şri-Lanka  Sudan  Esvatini  Tanzaniya  Tokelau  Tonqa  Trinidad və Tobaqo  Törks və Kaykos  Tuvalu  USVI  Uqanda  BƏƏ  Birləşmiş Krallıq  Vanuatu  Zambiya  Zimbabve
Danışanların ümumi sayı	379.007.140 nəf. (2019) 753.359.540 nəf. (2019)
Təsnifatı
Hind-Avropa dilləri German dilləri Qərbi Germanca[d] Anqlo-friz dilləri İngilis dilləri[d] ingilis dili
Yazı	latın əlifbası
Dil kodları
QOST 7.75–97	анг 045
ISO 639-1	en
ISO 639-2	eng
ISO 639-3	eng
Dilin strukturlarının dünya atlası	eng
Ethnologue	eng
Linguasphere	52-ABA
ABS ASCL	1201, 12
IETF	en
Glottolog	stan1293
Vikianbarda əlaqəli mediafayllar

BMT-nin altı rəsmi və işçi dilindən biridir. İngilislərin təbii dili, İngiltərənin, faktiki Böyük Britaniyanın, ABŞ (31 ştatının rəsmi dili), İrlandiyanın, Kanadanın və Maltanın iki rəsmi dilindən biri, Avstraliyanın, Yeni Zelandiyanın rəsmi dili. O, Asiya (məsələn Hindistan, Pakistan və s.) və Afrikanın bəzi dövrlərində rəsmi dil kimi istifadə edilib. Linqvistikada ingilis dilində danışanları аnqlofon adlanırlar, Kanadada bu termin siyasi mənada işlədilir.

Dildə qrammatik mənanı analitik formada ifadə etmək üstünlük təşkil edir. Dillərin analitik tipinə aiddir. Leksikanın 70% götürülmə sözlərdir. Əlifbası VII əsrdən latın qrafikası əsasındadır. Orta əsrlərin əvvələrində əlavə hərflər də istifadə edilirdi. Sonradan onlar sıradan çıxdılar. Orfoqrafiyada ənənəvi yazılış formasıdır.

Hazırda ingilis dili dünyada ən geniş yayılmış dillərdən biridir. İngilis dili dünyada diplomatiya, kommersiya, dənizçilik, elmi-texniki və kütləvi informasiya dili kimi məşhurdur. Zəmanəmizdə nəşr olunan ədəbiyyatın və kütləvi mətbuatın əksəriyyəti ingilis dilində dərc olunur. Bütün bu deyilənlərə görə ingilis dilinin öyrənilməsi hər kəs üçün həyati zərurət kimi qarşıda durur. İngilis dilinin fonetik quruluşu bir sıra inkişaf mərhələlərindən keçməklə özünəməxsus orijinal səs strukturu yarada bilmişdir.

İngilis əlifbasında 26 hərf, 44 səs var.

Sözlərin uzunluğu

İngilis dilinin xarakterik cəhətlərindən biri onun qısa sözlərdən ibarət olmasıdır. Uzun sözlər dildə olsa da, onlara az rast gəlinir. Qısa sözlər ingilis dilinə alman tayfalarının dilindən, uzun sözlər isə fransız dilindən və latın dilindən keçib. Qısa sözlər danışıqda və jarqonda, uzun sözlər isə elmdə və publisistikada işlədilir.

Kökləri, 5-ci əsrdə yaşayan alman tayfalarına qədər uzanan ingilis dili dinamik təkamül yaşayıb.

Eramızın 450-ci ildən 1150-ci ilinə qədər danışılan köhnə ingilis dili, dilin linqvistik bazasını təşkil etmişdir. Vikinq işğalları zamanı qədim skandinav dilinən təsirlənib, həmçinin 1066-cı ildə Normanların fəthi dilə fransız lüğətini aşılayıb və orta ingilis dilinin yaranmasına səbəb olub. 15-17-ci əsrlərdəki İntibah Dövrü və Böyük Saitlərin Dəyişməsi prosesi bir çox dəyişikliklər gətirib. Müasir ingilis dili isə 18-ci əsrdə yaranıb, Sənaye inqilabı və Britaniya İmperiyasının genişlənməsi amillərilə formalaşmışdır.

Bu gün ingilis dili regional nüansları əks etdirən variasiyaları ilə qlobal bir dildir. Köhnə ingilis dilinin müasir ingilis dilinə təkamülü, sosial və mədəni dəyişiklikləri özündə əks etdirir.

İngilis dilinin çox sayda dialektləri vardır. Dialektlər İngiltərədə daha çoxdur. ABŞ-də dialektlər olsa da, ədəbi dil kimi orta-atlantik dialekt işlənir.