Vikipediya — müxtəlif dillərdə, həmçinin, Azərbaycan dilində virtual açıq ensiklopediyadır.
Vikipediya – ümumi İnternet vasitəsilə azad yayımlanan və könüllülər tərəfindən zənginləşdirilən ensiklopediyadır.
Virtual ensiklopediya Viki texnologiyası əsasında, azad proqram təminatı ilə yaradılmışdır, yəni dünyada İnternetə çıxışı olan hər bir kəs vikipediyaya daxil olaraq qeydiyyatdan keçmədən səhifələrdə dəyişiklik apara bilər. Azərbaycanca Vikipediya 2004-cü ildən etibarən fəaliyyət göstərir. Vikipediya yarandığı gündən bəri İnternetin ən böyük mənbə və məlumat bazasıdır.
Vikipediya yalnız bilik mənbəyi deyil, həm də nəhəng sosial şəbəkədir. Vikipediya dünyada yeni bir cəmiyyətin — viki-cəmiyyətin yaranmasına təkan vermişdir. Fəlsəfəsi və sosial münasibətləri digər cəmiyyətlərdən fərqli olan viki-cəmiyyət biliyini təmənnasız olaraq insanlarla bölməyə hazır olan cəmiyyətdir. Viki-cəmiyyət azad cəmiyyətdir, heç kimə və heç bir quruma tabe deyildir. Viki-cəmiyyətdə sosial durumundan, millətindən, təhsil səviyyəsindən, coğrafi yerindən asılı olmayaraq hər kəs eynidir. Lakin viki-cəmiyyətdə həyatda olduğu kimi mənəvi dəyərlərə — kiçiklərə və təcrübəsizlərə qayğı və böyüklərə hörmət kimi dəyərlərə üstünlük verilir.
Azərbaycanca Vikipediya digər vikipediyalar kimi Vikimedia fonduna məxsusdur. Vikimedia fondunun Vikipediyadan başqa daha on iki layihəsi vardır. Vikipediyaya və digər layihələrdə sizdən cəsur olmağınız tələb olunur. Sizdə öz biliklərinizi bu ümumi ensiklopediyada bölüşərək, paylaşa bilərsiz.
|
This article uses material from the Wikipedia Azərbaycanca article Vikipediya:Haqqında, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Əksi qeyd olunmayıbsa, bu məzmun CC BY-SA 4.0 çərçivəsində yayımlanır. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Azərbaycanca (DUHOCTRUNGQUOC.VN) is an independent company and has no affiliation with Wiki Foundation.