អំពីវិគីភីឌា

វិគីភីឌាជាផ្លែផ្កានៃការសហការគ្នាសរសេររបស់អ្នកស្ម័គ្រចិត្តយ៉ាងច្រើន ដែលប្រឹងប្រែងសរសេរ​ដោយមិនទទួលយកកំរៃ។ នរណាក៏មាន​សិទ្ធិសរសេរ​និងធ្វើបំលាស់ប្ដូរ​នានានៅក្នុង​អត្ថបទវិគីភីឌា​បានដែរ (លើកលែង​តែក្នុងករណី​ពិសេសខ្លះៗ​ដូចជាការដាក់កំហិត​ការពារ​ពីការបំផ្លាញ​របស់ជនខិលខូច)។ អ្នកប្រើប្រាស់​អាចចូលរួមជាអនាមិកដោយប្រើឈ្មោះមិនពិត ឬក៏អាចប្រើឈ្មោះពិតតាមតែការស្ម័គ្រចិត្ត​របស់ខ្លួន។

វិគីភីឌាចាប់កំនើតឡើង​ក្នុងឆ្នាំ២០០១ ហើយបានរីកធំធាត់​ក្លាយជាវិបសាយផ្ដល់អត្ថបទ​ដ៏ធំមួយនៅលើអ៊ីនធឺណិត។ វិគីភីឌា​មានអ្នកទស្សនាប្រមាណ ៧៨លាននាក់ក្នុងមួយខែ (ស្ថិតិខែមករាឆ្នាំ២០១០)។ វិគីភីឌាមានអ្នករួមចំណែកសកម្ម​ជាង ៩១០០០ នាក់ ដែលធ្វើការលើអត្ថបទជាង១៦លានអត្ថបទ ជាភាសាចំនួនលើងពី២៧០ភាសា។

មនុស្ស​គ្រប់អាយុ គ្រប់សាសន៍ អាចសរសេរបន្ថែមឬកែប្រែអត្ថបទ ដាក់ឯកសារយោង ផ្ទុករូបភាពឬមេឌាឡើង។ អ្វីដែលសំខាន់ទៅទីនេះ​មិនមែនស្ថិតនៅលើ​ភាពស្ទាត់ជំនាញ​ឬលក្ខណៈសម្បត្តិរបស់អ្នកទេ តែអ្វីដែលសំខាន់ជាងគេនោះគឺ​អ្វីដែលអ្នក​បានចូលរួមជាមួយយើង។ ក្រៅពីនេះ វាសំខាន់ត្រង់ថា​អត្ថបទ​របស់អ្នក​ស្របតាមច្បាប់របស់វិគីភីឌាដែរឬទេ។ អត្ថបទរបស់​អ្នក​គួរតែ​មានប្រភពពីកន្លែងដែលអាចទុកចិត្តបាន និង​មិនជាប់កម្មសិទ្ធបញ្ញា។ រាល់ការរួមចំណែក​(រួមទាំងការលុបខ្លឹមសារអត្ថបទចោល) មិនអាចបំផ្លាញវិគីភីឌាបានទេ ព្រោះសូហ្វវែរ​របស់វិគី​អនុញ្ញាតអោយធ្វើ​ការស្ដារឡើងវិញ​បានយ៉ាងងាយ។ ម្យ៉ាងវិញទៀត វិគីមានអ្នករួមចំណែក​មានបទពិសោធ​ ដែលនៅតាមឃ្លាំមើល​និងជួយដល់ការកែប្រែដើម្បី​ស្ថាបនា​ផងដែរ។ សូមចាប់ផ្ដើម​កែប្រែអត្ថបទ​ដោយចុចនៅលើពាក្យ​«កែប្រែ» នៅខាងលើទំព័រដែលអ្នកចង់កែប្រែ។

វិគីភីឌា​មានលក្ខណៈពិសេស​ច្រើនយ៉ាង​ខុសពីឯកសារយោង​សរសេរលើក្រដាស់ផ្សេងទៀត​។ វិគីភីឌា​នាំមកនូវអត្ថបទ​ទាន់សម័យជានិច្ច​ក្នុងរយៈពេលខ្លី។ អត្ថបទចាស់ៗ​មានទំនរខិតទៅរក​កំរិតទុកចិត្តខ្ពស់ ចំនែកអត្ថបទថ្មីៗ​អាចនៅមានព័ត៌មានមិនពិតខ្លះៗ។

វិគីភីឌាត្រូវបានបង្កើតឡើងដោយមូលនិធិវិគីមេឌា ជាអង្គការមិនរក​ប្រាក់កម្រៃ ដែលអង្គការនេះមានគម្រោងផ្សេងៗជាច្រើន ដូចខាងក្រោម៖

	វិគីមេឌា Commons កន្លែងផ្ទុករូបភាព ជីវចលនិងវីដេអូសេរី		វិគីព័ត៌មាន ព័ត៌មានឥតគិតថ្លៃ		​វិគីនានុក្រម វចនានុក្រម​ និងកម្រង​វេវចនសព្ទសេរី-ឥតគិតថ្លៃ
	វិគីពាក្យពេចន៍ ប្រជុំ​ពាក្យពេចន៍​របស់មនុស្ស​ល្បីៗ		វិគីសៀវភៅ សៀវភៅឯកសារ​ឥតគិតថ្លៃ		វិគីបណ្ណាល័យ បណ្ណាល័យឯកសារឥតគិតថ្លៃ
	វិគីជីវសាស្ត្រ ថតឯកសារពីជីវសាស្ត្រ		វិគីសាកលវិទ្យាល័យ សកម្មភាពនិងឯកសារអប់រំឥតគិតថ្លៃ		មេតាវិគី សម្របសម្រួលក្នុង​គម្រោងវិគីមេឌា
	មេឌាវិគី អភិវឌ្បកម្មវិធីកំុព្យូទ័រសេរី		វិគីទិន្នន័យ ប្រភពមូលដ្ឋានទិន្នន័យសេរី		វិគីទេសចរណ៍ មគ្គុទេសក៍ទេសចរណ៍សេរី

សំរាប់ភាសាខ្មែរ ទើបតែមានបីគំរោងតែប៉ុណ្ណោះ
វចនានុក្រម​វិគី
សៀវភៅវិគី