यूरोप कय एक्ठु देस होय । एकर राजधानी रोम होय्। इटली कय उत्तर मा आल्प्स पर्वतमाला है जवने मा फ्रांस, स्विट्ज़रलैंड, ऑस्ट्रिया औ स्लोवेनिया कय सीमा जुड़त हय। सिसली औ सार्डिनिया, जवन भूमध्य सागर कय दुई सबसे बड़ा द्वीप होँय, इटली कय ही अंग होँय। वेटिकन सिटी औ सैन मरीनो इटली मा मिलल दुई स्वतंत्र देश होँय। पो और टाइबर हिँया कय प्रमुख नदि होँय। रोम टाइबर नदी पय मौजुद है। इटली, यूनान कय बाद यूरोप कय दूसरा पूरान देस होय। रोम कय सभ्यता औ इटली कय इतिहास देश कय प्राचीन वैभव औ विकास कय प्रतीक होय। आधुनिक इटली 1861 ई.
मा राज्य कय रूप मा गठित भवा रहा। देश कय धीमा बिकास, सामाजिक संगठन औ राजनितिक उथल-पुथल इटली कय 2,500 वर्ष कय इतिहास से संबद्ध है। देश मा पहिले राजतंत्र रहा जवने कै अंतिम राजघराना सेवाय रहा। जून, सन् 1946 से देश एक्ठु जनतांत्रिक राज्य मा बदलि गवा। इटली कय राजधानी रोम पूरान समय कय एकठु शक्ति औ प्रभाव से भरा रोमन साम्राज्य कय राजधानी रहा है। ईसा कय आसपास औ ओकरे बाद रोमन साम्राज्य भूमध्य समुन्दर कय क्षेत्र मा आपन प्रभुता स्थापित करे रहा जवने कै नाते हिँया संस्कृति औ अउर क्षेत्रऽन मा आधुनिक यूरोप कय आधारशिला मानि जात है। औ मध्यपूरुब कय इतिहास मा भी रोमन साम्राज्य आपन प्रभाव डारिस रहा औ ओसे प्रभावित भवा रहा। आज कय इटली कय संस्कृति पय ग्रीकऽन कय भी प्रभाव परा है। इटली कय जनसंख्या २००८ मा ५ करोड़ ९० लाख रहा। देश कय क्षेत्रफल ३लाख वर्ग किलोमीटर कय आसपास है। १९९१ मा हिँया कय सरकार कय बड़ा पद कय अधिकारिन् मा बड़ा भ्रष्टाचार कय पर्दाफाश भवा जवने कै बाद हिँया कय राजनैतिक सत्ता और प्रशासन मा कयु बदलाव आए । रोम हिँया कय राजधानी होय औ दुसर बड़ा नगरन् मा वेनिस, मिलान जइसन कय नाँव लइ सका जात है। इटली कय यूरोप का “भारत” भि कहि जात है।
This article uses material from the Wikipedia अवधी article इटली, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 के अधीन है जब तक अलग से उल्लेख ना किया गया हो। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki अवधी (DUHOCTRUNGQUOC.VN) is an independent company and has no affiliation with Wiki Foundation.