عام مكبس

هاد لبلان كيتدار باش يبقا تّقويم مسانكرونيزي معا لعام لفلكي ؤلا لعام لفصلي.

حيت لأحدات لفلكية ؤ لفصول ماكيطراوش ؤ ماكيتعاودوش على حساب نهارات محددين، تّقويمات لي عندهوم عاداد د نّهارات ماكيتبدّلش من عام ل عام، ب ضّارورة غادي يطرا فيهوم نزياح ديال تّواريخ د لأحدات لي بنادم باغي يبقا متبّعهوم، بحال لبدية د لفصول ؤ لأعياد لي مرتابطة بيهوم. زّيادة ديال نهار ؤلا شهر مرة مرة، كيصحّح داك نّزياح، ؤ كيرد تّقويم قرب ل رّيتم ديال لحاراكة د لكواكب ف لمجموعة شّمسية.

على حساب لوبصيرڤاطوار لبحري لميريكاني، لقاعيدة ديال لعام لمكبّس ف تّقويم لݣريݣوري هيّا ك تّالي:

لعام كيكون مكبّس يلا كان كيتّقسم على ربعة، من غير يلا كان كيتّقسم على 100. ولاكين هاد لعوام لمياوية كيكونو مكبسّين يلا كانو كيتقسمو على 400. متلاً، لعوام د 1700، 1800، ؤ 1900 ماشي مكبّسين، ولاكين 1600 ؤ 2000 مكبّسين.