جابدية

هاد لمفعول يقدر ينطابق تا على كسدات ماشي مادية لي عندها طاقة، بحال لفوطونات ديال شّعا.

لجابدية هيّا أضعف قوة أساسية ديال طّبيعة، حيت ضعف ${\displaystyle 10^{38}}$ مرّة من لقوة نّووية شّديدة، ${\displaystyle 10^{36}}$ مرّة من لقوة نّووية ضّعيفة، و ${\displaystyle 10^{29}}$ مرة من لقوة لكهرمغناطيسية. هادشي كيفسّر علاش لقوة د لجابدية ماكاتبانش مابين كسدات صغار بحال طّبالي ؤلا بنادم، لي عملياً ماكيجبدوش بعضياتهوم حيت كاتكون ضعيفة بزاف، ولاكين كاتبان على لمستوى ديال كسدات فلكية لي عندها كتلات كبيرة بحال لكواكب ؤلا نّجوم ؤلا لمجرات، و كاتحدد لحاراكة ؤ ضّوران ديالها على بعضياتها. لقوة د لجابدية، ف لحالة ديال نّجوم و لمحفّرات لكحلين، تقدر توصل باش تحني شّعا براسو. ف لحالة ديال لمحفّرات لكحلين لي كاتكون عندهوم كتلة خيالية، تا شّعا مايقدرش يفلت من لجابدية ديالهوم.

فوق لأرض، بنادم كيحس ب تّأتير ديال لجابدية ب لوزن ديال لحوايج لي هوّا تعبير على لقوة د لأرض لي كاتجبدهوم ل عندها. كاين تأتير أخور هوّا ديال لمارية طّالعة ؤ لحسيبة ف لبحر (ب لعربية المد و الجزر) لي كيطراو بمفعول لجابدية ديال لقمر.

أول واحد معروف بلي وصف لجابدية بشكل ماطيماتيكي هوّا لفيزيسيان إسحاق نيوتن، لي قادّ هاد لمتساوية ديال قانون نيوتن د لجابدية لكونية:

$${\displaystyle F=G{\frac {m_{1}m_{2}}{r^{2}}}}$$

بحيت ${\displaystyle F}$ كاتمتّل لقوة د لجابدية، ${\displaystyle m_{1}}$ و ${\displaystyle m_{2}}$ كيمتّلو لكتلات ديال لكسدات لي كيجبدو بعضياتهوم، ${\displaystyle r}$ هيّا لبعودية ؤلا لمسافة بيناتهوم، و ${\displaystyle G}$ هيّا تّابتة د لجابدية لي لقيمة ديالها كاتساوي ${\displaystyle 6.674\times 10^{-11}m^{3}kg^{-1}s^{-2}}$