ماليك

لّقب ديال ماليكة حافي كيقدر يتقصد بيه مرات لماليك، بلا ماتكون عندها سلطة فعلية. ف لمغريب مرات لماليك كتعتابر أميرة، ماشي مليكة. ف حالات خاصة، تقدر مرا ماليكة تاخد لقب ديال "ماليك"، بحال لحالة ديال لماليكة يادڤيڭا د پولونيا، لي رسمياً خدات اللقب ديال "ماليك د پولونيا".

علا حساب سّياق زّماني ؤلا تّاريخي ؤلا سّياسي، لماليك ديال شي دولة يقدر يكون عندو حكم فعلي ؤلا غير شكلي، و يقدر يكون كيحكم مناطق جغرافية كبيرة ؤلا صغيرة، قبيلة وحدة ؤلا شعوب ب لملاين. ؤ يقدر يكون عندو ألقاب خرين لّي كيعبرو علا سّياق تّقافي ديال دّولة ؤلا صّلاحيات ديال لماليك، بحال إمبراطور، سلطان ؤلا شاه.

لماليك يقدر يلعب أدوار دينية، بحال يتّعتابر رب معبود، "ولد الرب" ؤلا عندو صيفة ربانية، خليفة د الله ف لأرض، ؤلا أمير د لمومنين. ف بزاف د التقافات، بحال عند لأمازيغ قبل لإسلام، سيرتو ف مملكة موريطانية، لماليك كان كيتألّه مور ما يموت، ؤ كيولي رب معبود. اللقب ديال لملكية ف شمال إفريقيا لقديمة هوّ أڭلّيد.