ف لبيولوجيا، لكائن الحي ولا لخليقة هو أي كيان فردي كيجسد خاصيات لحياة، ؤ هو مرادف ل شكل حياة.
لكائنات لحية كيتكلاصاو على حساب طّاكصونوميا (علم التصنيف) ل بزاف د لمجموعات بحال لحيوانات، نباتات ؤ لفطريات متعددة لخلايا؛ ولا لميكروبات وحيدة لخلية بحال لپروتيستا، لبكتيريا و لأركيا. جميع أنواع لكائنات لحية قادرين على التكاتر، التنمية ؤ النمو، لستقرار الداخلي (الصيانة)، و بعض درجات التجاوب معا لمنبهات. البشر، لكالامار، لفݣّيع ؤ النباتات لوعائية هوما أنواع من لكائنات لحية متعددة لخلايا لي كتطور من خلايا عادية خلال النمو أنسجة ؤ أعضاء متخصصة.
لكائن لحي ياإما يكون پروكاريوط ياإما يكون يوكاريوط، لپروكاريوط كيتمتلو ف جوجت الضومينات – لبكتيريا و لأركييا. لكائنات لحية ليوكاريوطية كتميز ب متلاكها ل نواة خلوية مغلفة ب لغشا و كتحتاوي لخلايا ديالها على حيزات إضافية مغلفة كتسمى عُضَيّات (بحال لميطوكوندريونات عند لحيوانات ؤ لعشوب ؤ لپلاستيدات عند لعشوب ؤ لخز، كلهم كيتعتابرو جاو من لبكتيريا داخلية التعايش). لفطريات، لحيوانات ؤ لعشوب هوما أمتيلا على ممالك ديال لكائنات لحية عند ليوكاريوط.
التقديرات على عدد لأنواع لحية لحالية ديال كوكب لأرض كتراوح مابين 2 مليون حتال 1 تريليون، من بينها 1.7 مليون توتقو. كتر من 99% ديال ݣاع الأنواع الحية – واصلين كتر من خمسة مليار نوع حي – اللي كانو عايشين شي نهار هم منقارضين دابا.
ف 2016، تم التعرف على مجموعة من 355 جين من الجد اللخراني لمشتارك لعالمي (LUCA) ديال لكائنات لحية كاملين.
تقدر تزيد شوف بزاف د تّصاور و لمعلومات ديال Organisms ف ويكيميديا كومنز. |
This article uses material from the Wikipedia داريجة article كائن حي, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.