Organismo

An gabos na organismo iyo pigbibilog nin selula (teorya nin selula). An mga organismo iyo pigkaklasipika nin taksonomiya sa mga grupo arug kan mga multiselular na hayop, tinanom, asin fungi; o uniselular na mikroorganismo arug kan mga protista, bakterya, asin arkeya. An gabos na klase nin organismo iyo kaya nin reproduksyon, pagdakula, pagmantinido, asin sa ibang degri nin pagsimbag sa stimuli. An mga tawo, pusit, kabute, asin mga baskular na tinanom iyo mga halimbawa kan mga multiselular na organismo na nalalain an espesyalisadong tisyu asin organo durante sa pagdakula.

An sarong uniselular na organismo pwedeng magin prokaryotiko o eukaryotiko. An mga prokaryotiko iyo pigrerepresenta an duwang suway na domain – an bakterya asin arkeya. An mga eukaryotikong organismo iyo pigkakaraktisa sa paagi nin presensya kan nukleyus nin selula asin iyo igwa nin mga organelles. An fungi, hayop, asin tinanom iyo mga halimbawa nin organismo sa mga eukaryotiko.

An pag-estima sa bilang nin presenteng espesye sa Kinaban iyo minarango poon sa 2 milyon hasta sa 1 trilyon, kun sain lagpas 1.7 milyon an nadokumento. Lagpas 99% kan gabos na espesye, nabibilang sa lagpas limang bilyong espesye, na nabuhay an pig-eestima na nawara na.

Kaidtong 2016, sarong grupo nin 355 na mga gene gikn sa last universal common ancestor (LUCA) kan gabos na organismo an na-identipika.

• Species 2000 Indexing the world's known species.
• The largest organism in the world may be a fungus carpeting nearly 10 square kilometers of an Oregon forest, and may be as old as 10500 years.
• NCBI Taxonomy entry: root
• The Tree of Life
• Frequent questions from kids about life and their answers Archived 2014-05-13 at the Wayback Machine.