ኒዌ

ኒዌ Niuē Niue
ሰንደቅ ዓላማ አርማ
ብሔራዊ መዝሙር:  Ko e Iki he Lagi
ዋና ከተማ		ኣሎፌ
ብሔራዊ ቋንቋዎች		ኒዌኛ እንግሊዝኛ
መንግሥት ንግሥት ጠቅላይ ሚኒስትር		የአንድነት ፓርለሜንታዊ ህገ መንግስታዊ ንጉሳዊ አገዛዝ (ኒው ዚላንድ ግዛት) ግርማዊት ንግሥት ኤልሳቤጥ ፪ኛ ጆን ኪይ
የመሬት ስፋት አጠቃላይ (ካሬ ኪ.ሜ.)		18,274
የሕዝብ ብዛት የ2016 እ.ኤ.አ. ግምት		1,612
የሰዓት ክልል		UTC −11
የስልክ መግቢያ		+683
ከፍተኛ ደረጃ ከባቢ		.nu

ደሴቱ መጀመርያ በኢንግላንድ ተጓዥ ጄምስ ኩክ በ1766 ዓም ተዘገበ። የክርስትና ሰባኪዎች ከ1838 ዓም ጀምሮ ደርሰው የኗሪዎቹ ብዛት የክርስትና ምዕመናን ሆነዋል። መጀመርያው ክርስቲያን ንጉሥ ቱዊ-ቶጋ ከ1867-1879 ነገሠ።

በ1881 ዓም የፈረንሳይ ቅኝ አገር እንዳይሆኑ ፈርተው በራሳቸው ልመና በዩናይትድ ኪንግደም ጥብቅና ሥር ገቡ፤ በ1893 ዓም ጥብቅናው ወደ ኒው ዚላንድ ተዛውሮ እስካሁን ድረስ ከኒው ዚላንድ ጋር ተባባሪነት አላቸው። ሕዝቡ ግን ምንጊዜም በተግባር ራስ ገዥ ሆነዋል።

ይፋዊ ቋንቋዎች እንግሊዝኛ እና ኒዌኛ ናቸው፤ ብዙዎቹም ኒዌኛ ይናገራሉ። ደሴቱም 14 መንደሮች አሉበት።

ትንሽ ኮኮነት፣ ማር፣ ፓፓያ፣ ወዘተ. ለአለም ገበያ ይመረታሉ። የእጅ ሥራዎች፣ ፣ የቴምብር፣ የእግር-ኳስ መፈብረክ፣ የቱሪስም ኢንዱስትሪዎች አሉ።

ዛሬ የኒዌ ኗሪዎች ሁሉ (1600 ያህል) ኢንተርኔት አላቸው። ራግቢ ከሁሉ የሚወድ እስፖርት ጨዋታ ነው። ባህላዊ ጭፈራዎች አሉ።

ብዙዎቹም በግብርና ሥራ ሲገኙ፣ ለራሳቸው አበሳሰል ካሳቫ፣ ጎደሬ፣ ዳቦ ፍሬ፣ ሙዝ፣ ፓፓያ፣ ኮኮነት፣ ኮቴሃሬ ይመርታሉ። በዋናነት የሚበላው አሣ ነው፣ እንዲሁም ሠርጣንና አሳማ ይበላሉ። በምግብ አሠራሮቹ መካከል፣ «ናኔ ፒያ» ከፖሊኔዥያ አሮውሩትና ከኮኮነት የሚሠራ አጥሚት ነው።