D Tora (au Thora, Torah gschriibe, Bedoonig uf em „a“; im aschkenasische (dütsche und oschteuropäische) Hebräisch Tauroh, d Betoonig uf em „au“; uf Jiddisch Tojre, Tejre (ostjiddisch), Toore (surbdaalerjiddisch), vo hebräisch תּוֹרָה ‚Gebot‘, ‚Awiisig‘, ‚Beleerig‘, vo jarah ‚underwiise‘) isch dr ersti Däil vom Tanach, dr hebräische Bible.
D Tora bestoot us fümf Büecher, und doorum häisst si im Juudedum au chamischa chumsche tora ‚Die fümf Fümftel vo dr Tora‘. Die griechisch Bezäichnig isch Pentateuch (Πεντάτευχος). In de dütsche christlige Bibleübersetzige si daas die fümf Büecher Mose.
Vo de erschde vier Büecher vo dr Tora het mä dänggt, ass si dr Moses sälber gschriibe haig, dorum wird nä uf Dütsch d „Büecher Moses“ gsait. D Tora beschribt die drei wichdigschde Augeblick in dr Beziehig vo Gott und de Mensche us jüüdischer Sicht: d Schöpfig, dr Bund mit em Abraham, und dr Uszuug vo de Israelite us Egüpte mit dr Gsetzgäbig under em Moses.
I der Synagoge wird Tora nid im ne Buech ufbewahrt, wi bi de Chrischte, sondern i Schriftrolle. D Schriftrolle immer Handgschrybe. We also so ne Rolle kabutt geit, muess di ganzi Rolle neu gschribe wärde u zwar vo Hand. Für daheime git's d Tora u der Tanach natürlech in Buech Form.
Dä Artikel basiert uff ere fräie Übersetzig vum Artikel „Tora“ vu de dütsche Wiki Alemannisch. E Liste vu de Autore un Versione isch do z finde. |
This article uses material from the Wikipedia Alemannisch article Tora, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.