Ohrewürm

Ohrwurm, Ohreniggel
Systematik
Unterstamm: Tracheätier (Tracheata) Überklass: Sechsfüesser (Hexapoda) Chlass: Insekte (Insecta) Underchlass: Fluginsekte (Pterygota) Überordnig: Neuflügler (Neoptera) Ordnig: Ohrwurm, Ohreniggel
Wüsseschaftlige Name
Dermaptera
Carl De Geer, 1773

D Ohrewürm (Dermaptera) si en Ordnig vo de Insekte und ghöre zu de Fluginsekte (Pterygota).

Im Kanton Züri seit mer em Ohrwurm 'Ohreniggel', 'Ohremüggel' oder 'Ohreniggeler'. D Appezäller säged au Ohreglüngger, Ohreniggel oder Ohrenöggel, z Baasel und im Südbadische si s Ooregrübler. Im Idiotikon wärded au die Begriff 'Ohreschlüffer', 'Öhreler', 'Gäbeli-Gigger', 'Ohregrübel', 'Hurrliä', 'Ohremüggler' und 'Ohreschlieffen' uufzellt.

 

D Körperlengi vo de Dier isch mäistens zwüsche 10 und 20 Millimeter, e baar Arte chönne au dütlig gröösser wärde, zum Bischbil dr Riesenohrwurm (Titanolabis colossa) wo bis zu 50 Millimeter lang wird. Dr St.-Helena-Riesenohrwurm (Labidura herculeana), wo mä scho lang nüm gsee het, isch bis zu 80 Millimeter lang worde.

D Vorderflügel vo de Ohrwürm si hard und churz (in Derma(to)ptera bedütet (gr.) derma so vil wie „Lääder“). Si decke nume dr vorderst Däil vom Abdomen. D Hinderflügel si dünn wie Hut und wärde under die Deckflügel gfaltet. Nume wenigi Arte vo de Ohrewürm fliege, e baar häi d Flugmuskulatur und au d Flügel komplett zruggbildet. Am Ändi vom Hinderliib si e Bäärli vo Hinderliibsfäade (Cerci), wo zun ere Zange umbildet si. Bi männlige Dier si die stark booge, bi wiibligen eender graad. Die Zange wärde für d Jagd und d Verdäidigung brucht und hälfe bim Entfalte vo de Hinderflügel und bi dr Begattig. Die mäiste Arte häi guet usbildeti Fassetteauge. Punktauge (Ocelle) si aber immer reduziert.

Mer seit aber au emene Musigstuck, wo eim guet im Ohr bliibt, en 'Ohrwurm'.

  Commons: Ohrwürm – Sammlig vo Multimediadateie

• Tree of Life Dermaptera
• CSIRO Dermaptera
• Earwig Research Centre