Begattig
Dr Begriff Begattig (Kopulation, Kopula, Baarig) bezeichnet die gschlächtligi Vereinigung vom ene männlige und eme wiiblige Mensch oder Dier, wo zur Befruchdig und so zur Furtpflanzig cha füehre.
Dr Begattig bim Mensch sait mä übligerwiis Gschlächtsverchehr (im ängere Sinn) oder Vaginalverchehr. In dr Dierzucht bezeichnet mä dä Vorgang as Decke.
Die männlige Spermie wärde ins Innere vom wiiblige Individuum brocht, wo si eini oder mehreri Eizälle befruchte. Dorum redet mä au nid vo Begattig, wenn d Befruchdig usserhalb vom Körper oder ohni gschlächtligi Vereinigung stattfindet, wie das z. B. bi vile Fisch oder bi dr künstlige Befruchdig bassiert. Zur Begattig chunnt s dur Instinkt, Sexualdriib und entsprächendi Uslöser (zum Bischbil: s Balzverhalte vom Pfau oder d Duftsignal von ere läufige Hündin).
Under Höchere Dier isch s Ufrite (au: Bespringe) vom Männli uf s Wiibli verbreitet, e baar Primate, Wal, und mänggi anderi Süügerarte kopuliere ventro-ventral, das heisst Buuch zu Buuch. Im Dierriich isch das Baarigsverhalte sälte und am hüfigste bi de Bonobo beobachdet worde meistens in Gfangeschaft und erst 2008 bi Flachlandgorilla in freier Wildbahn.
Weblingg
Commons: Begattung – Sammlig vo MultimediadateieFuessnote
This article uses material from the Wikipedia Alemannisch article Begattung, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.