S Liecht isch dä Däil vo dr elektromagnetische Strahlig, wo für s menschlige Aug sichtbar isch.
Im elektromagnetische Spektrum umfasst dr Beriich vom Liecht Wällelengene vo öbbe 380 nm bis 780 nm. Das entspricht Frekwänze vo öbbe 789 THz bis 384 THz. E gnaueri Gränze cha mä nit aagee, wil d Empfindligkäit vom Aug an de Gränze vo dr Woornäämig nit uf äi Chlapf sondern nodino abnimmt. D Berich vo dr Infrarot- (Wällelengene zwüsche 780 nm und 1 mm) und Ultraveielettstraalig (Wällelengene zwüsche 10 nm und 380 nm), wo oobe resp. unde vom sichtbare Liecht lige, wärde vilmol eebefalls as Liecht bezäichnet.
In dr klassische Füsik het s zwäi Uffassige vo dr Natur vom Liecht gee, im Newton si Korpuskeltheorii, wo gsäit het, Liecht wurd us chliine Däili bestoo, und d Wälletheorii vom Christiaan Huygens, wo alli die Fenomeen erkläärt het wie die optischi Büügig und d Interferänz, wo d Däilitheorii sich schweer do het drmit.
Bis im Einstein sini Theorii cho isch, wo gsäit het, ass Liecht e duali Natur häig, het d Wälletheorii d Naase vorne ghaa. Dr Einstein het in sinere Relatiwidäätstheorii au festgläit, ass Materie mit Masse d Gschwindikäit vom Liecht im Vakuum nid chönn erräiche.
S Liecht isch für d Natur, wie si hüte uf dr Wält existiert, überlääbenswichdig. Fast alli Pflanze, wo d Überlääbensbasis für die pflanzefrässende und indiräkt au für die fläischfrässende Organisme si, bruche sichtbars Liecht as Energiikwelle.
This article uses material from the Wikipedia Alemannisch article Licht, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.