სინთე — ელექტრომაგნიტური გუმოჩხორიაფა თოლიშო ოძირაფე რეღმაშ სიშხირათ, ვარ-და ტექნიკური ვარ-და მენცარული შანულობათ, ირნერი სიშხირაშ ელექტრონაგნიტური გუმოჩხორიაფა.
ოძირაფე სინთეშ რეღმაშ სიშხირა ითირუ 380–400 ნანომეტრიშე 760–780 ნმ–შახ, სიშხირათ 405 ტჰც-შე 790 ტჰც–შახ. ფიზიკას ტერმინი სინთე იკათუანს გუმოჩხორიაფაშ მოხურგე რეგიონეფს: ინფრაჭითას (დაბალ სიშხირას) დო ულტრაიაიაშფერს (მაღალ სიშხირას), ნამუთ ადამიერიშ თოლიშით ვეგინაფუაფჷ. ელემენტარული წილაკი, ნამუთ გჷთმოთანჯჷნს სინთეს რე ფოტონი. სინთეშ სუმი თარი მახასიათაფალი რე (ანუ არძა ელექტრომაგნიტური გუმოჩხორიაფაშ):
სინთეშ ბიწორი, ვაკუუმს 300 000 000 მეტრი წამს (300 000 კილომეტრი წამშს), ორთაშ ართ–ართი თარი ირონობა რე. სინთეს ახასიათენს ჟირხოლო – რეღმაშ დო წილაკიშ მუშობურობეფი. თე მახასიათაფალი ჩინებული რე, მუჭოთ რეღმულ–წილაკური დუალიზმი. მენცარობას სინთეშ გეშა ოპტიკა ჯოხო, თინა თეხანური ფიზიკაშ რკუალაშ შანულამი სფერო რე.
This article uses material from the Wikipedia მარგალური (Margaluri) article სინთე, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.