Lodewijk De Deyster

Sy barokskilderye toon die duidelike invloed van Italiaanse meesters soos Giordano, Maratta, Barocci en Suid-Nederlandse skilders soos Rubens, Van Dyck en Boekhorst. Sy dogter, Anne de Deyster, wat in 1696 gebore is, het ook 'n skilderes en maker van musikale instrumente geword.

Deyster is in 1656 in Brugge gebore. Hy was 'n student van Jan Maes, 'n gerespekteerde kunstenaar van die stad. Hy het vanaf 1682 tot 1688 in Italië gewoon en gewerk. Toe hy na sy geboortestad Brugge teruggekeer het, het hy 'n fyn ontwikkelde en flambojante Romaanse barokstyl saamgebring. Hy het 'n diep godsdienstige ingesteldheid gehad en sy karaktertrekke is weerspieël in sy keuse van onderwerpe.

Hy het verskeie skilderye vir die kerke van sy geboortestad geskilder. Sy afdrukke, almal godsdienstige onderwerpe, deel die hoë drama en energie van sy skilderye, met protagoniste wat in komplekse posisies gerangskik is. Hy het net soos sy skilderwerk, ook sy etse met vryheid en spontaneïteit aangedurf. In die Kerk van die heilige Jakobus in Brugge is daar drie skilderye deur Deyster wat die Kruisiging, die Opstanding, en die dood van die Maagd voorstel. In die Kerk van die heilige Anna, ook in Brugge, is daar 'n skilderye oor die Martelaarskap van Sint Sebastiaan.

•  
  Engelpiëta, Groeningemuseum.
•  
  Moses verdedig die dogters van Jethro (ca. 1680-1690), Groeningemuseum.

• J. L. MEULEMEESTER, Jacob van Oost de Oudere en het zeventiende-eeuwse Brugge, Brugge, 1984.
• K. VAN DAMME, Lodewijk De Deyster, in: Nationaal Biografisch Woordenboek, Deel 13, Brussel, 1990.
• J. L. MEULEMEESTER, Twee minder bekende schilderijen van Lodewijk de Deyster in Brugse privéverzamelingen, Brugge, 1991.
• Lexicon van Westvlaamse beeldende kunstenaars, deel 2, Kortrijk, 1993.

• Dictionary of Painters and Engravers, Biographical and Critical Deur Michael Bryan, pp. 209–210

• Werke deur Lodewyk Deyster by die Museum van Nieu-Seeland Te Papa Tongarewa
• Onlangse verkrygings by die New York Openbare Biblioteek

  Hierdie artikel is ’n saadjie. Voel vry om Wikipedia te help deur dit uit te brei.