Gert Steyn
Gerhardus Johannes Hendrik (Gert) Steyn (12 Februarie 1951 – 26 Julie 2018) was 'n Suid-Afrikaanse bokskampioen, eers weltergewig en toe later junior-middelgewig.
Hy kom uit 'n bekende boksfamilie; sy broers Andries, Stoffel en Japie het almal geboks en sy vader Andries (sr.) was 'n befaamde boksafrigter. Hy het na bewering slegs ses van sy 85 gevegte as amateur verloor.
| Gert Steyn | |
| Statistiek | |
|---|---|
| Geboortenaam | Gerhardus Johannes Hendrik Steyn |
| Gewigklas | weltergewig en junior-middelgewig |
| Nasionaliteit |  Suid-Afrika |
| Geboorte | 12 Februarie 1951 |
| Sterfte | 26 Julie 2018 (op 67) Krugersdorp, Gauteng |
| Boksrekord | |
| Totale gevegte | 45 |
| Oorwinnings | 32 |
| Oorwinnings met uitklophou | 15 |
As beroepsbokser het hy die Suid-Afrikaanse weltergewigtitel in 1972 gewen nadat hy Spider Kelly met punte verslaan het. In 1975 het hy na die junior-middelgewigte opgeskuif. Hier het hy die kampioen geword toe hy Gert Craemer onttroon het. Hy het 32 van sy 45 beroepsgevegte gewen; 15 met uitklophoue. Sy laaste geveg was op 23 Mei 1980 teen Morris “Yankee” Mohloa wat hy op punte gewen het. Hy sou in 1978 om die WBV-wêreldtitel geboks het, maar sy teenstander Eddie Cazo het hom drie dae voor die geveg onttrek.
Hy is op 26 Julie 2018 in Krugersdorp aan 'n hartaanval oorlede.
Bron
- SA boks verloor nog een van sy grotes, Beeld, 28 Julie 2018.
This article uses material from the Wikipedia Afrikaans article Gert Steyn, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.