Geert Hofstede

Hy is welbekend in sy navorsing van kruis-kulturele groepe en organisasies en het ’n groot rol gespeel in die ontwikkeling van ’n sistematiese raamwerk vir die assessering en differensiëring van nasionale kulture en organisasiekulture. Sy studies het aangetoon dat daar nasionale en streekskultuurgroepe is wat die gedrag van gemeenskappe en organisasies beïnvloed. Sy belangrikste werk was die ontwikkeling van die teorie van kulturele dimensies. Hy is bekend vir sy boeke Die gevolge van kultuur en Kulture en organisasies: sagteware van die brein, wat hy saam met sy seun, Gert Jan Hofstede geskryf het.

Met sy aftrede in 1993 het Hofstede baie universiteite regoor die wêreld besoek om studente op te lei in sy teoretiese benaderings en om sy navorsing in hierdie studiearea voort te sit. Hy is tans emeritus professor in organisatoriese antropologie en internasionale bestuur aan die Universiteit van Maastricht in Nederland en dien ook as buitemuurse genoot aan die Sentrum vir Ekonomiese Navorsing aan die Universiteit van Tilburg in Tilburg, Nederland.