2019-2020年 澳洲森林火燭

2019年－2020年澳洲森林火燭係指由2019年9月開始喺澳洲因為天氣好熱再加上乾燥造成嘅一系列火燭。截至2020年1月，火燭燒咗嘅地方面積夾埋有17.1 × 106公頃（42 × 106英畝；171,000平方公里；66,000平方英里）噉多。呢場火燭燒咗足足幾個月，截至2020年1月，呢場火一共燒爛咗五千幾棟嘢（包括二千幾座屋），另外有卅幾人死。嗰度啲消防局指呢場大火係有史以嚟最嚴重嘅。喺澳洲連續幾個月冇雨落、破紀錄高溫同埋長期乾旱令到森林火燭越嚟越嚴重之後，新南威爾士州政府（英文：New South Wales Government）喺2019年12月宣佈進入緊急狀態。根據估計，成個澳洲有超過幾十億隻動物例如樹熊、袋鼠等等因為走唔切而畀啲火監生燒死。而喺2020年1月15號開始，澳洲好多地方終於有雨落，緩解咗火燭嘅情況，澳洲東面同南面嘅森林火燭數目，係幾個月嚟第一次少過100。由於呢件事非常之嚴重，所以引起咗好多唔同地方嘅關注，令好多人重視咗火燭管理實踐同埋全球暖化嘅迫切性。呢次火燭估計令澳洲冇咗幾十億澳元。