呢粒星代表咗響維基百科度嘅正嘢。 響頭版度顯示咗其中一篇正文 嘅頭節。至於今年嘅隊可以響呢度 搵到。
你可以響Wiki: 是日正文/請求 度整新嘅請求或者響現有嘅請求度加入註解。
要將一篇文顯示響頭版度,首先篇文一定要係正嘅(去提議一篇文做好正嘅,請睇Wiki: 正文候選 ),同埋嗰一篇文一定要有頭節同埋合適嘅圖片,以便響頭版度用。
如果你發現到將會響頭版顥示嘅正文係有問題,而又有時間改期嘅話,請向其中一位管理員聯絡。
正嘢:
正嘢工具:
正文工具:
清除呢一版嘅快取 • 清除頭版嘅快取 。
是日正文 廣州嶺南大學。 嶺南大學 ,係廣州 度一個已經消失咗嘅大學,原先喺1888年創校,係不隸屬於任何教派嘅基督教 大學,係中華民國陣嘅13個基督教大學之一。學科最初係有英文、格致、理化、算術、地理、生物等西學課程,由1927年開始,原有文理學科外,開辦咗農、商、工、醫等學院。經過十年左右發展,成為咗中國大陸南方一個舉足輕重嘅私立大學。史堅如、陳毅、廖承志、冼星海、鄒至莊、曹安邦、陳香梅 、姜伯駒等都係呢間學校出來嘅學生,喺全球各地設有同學會、校友會17個。
據宴文士校長喺1912年嘅報告,辦呢間學校不單止係為咗華人教育同總體福祉,更係要將基督教嘅精神,展示俾啲學友同學校嘅贊助人。經學校同董事會嘅努力,1920年嘅第一屆嶺南本科畢業生,可以直接北美十間名校嘅研究生部進修,令嶺南聲望大增。到1927年廣州嶺南正名做咗大學,時任校長鍾榮光博士俾稱之為「嶺南之父」。同年向國民政府呈請立案,俾當局確定係私立基督教大學,而俾納入咗國民政府教育體系。跟著來自大馬 、星洲 、印尼 、泰國 、緬甸 、美洲 等地嘅華僑紛紛捐錢俾嶺南,為康樂園嘅建造貢獻唔少,由呢啲捐款起出嚟嘅校舍有張弼士紀念堂、陸佑堂、陳嘉庚 紀念堂、爪哇堂、榮光堂、馬應彪護養院、招待室、譚禮庭同學屋等等。而就嗰陣嘅華南地區嚟講,嶺南大學嘅聲譽,其實係仲要高過香港大學 嘅。
1938年日軍南下,廣州嶺南大學遷香港,四年後遷至粵北大村復校。1945年光復後返回咗廣州康樂校園。1952年廣州嶺大畀中共政府分拆嗮啲院系,將河南校園交咗俾中山大學 繼續用。嶺南大學喺廣州冇咗後,一班住香港嘅嶺大舊生就喺1967年,用「嶺南書院」名義喺司徒拔道復校。開頭香港嶺南嘅使費比較多,1980年代時書院嘅董事會主席利榮康,就自己嚟補足啲唔夠嘅經費。1987年後香港高教委員會將學校納入咗公共教育體系,由政府補助啲經費而緩解財困。而1987年經北京中央嘅批准,喺廣州中山大學(康樂園)入邊又成立返個嶺南(大學)學院。到1999年,香港嶺南恢復返咗嶺南大學 個名。 (成篇文章…… )
以前嘅正文: 灰狼 – 蜜蜂 – 認知科學
下個月嘅正文 一本故仔書;傳統上,文字係一種常用嚟表達故仔嘅媒介。 故仔 ,本字係「古仔 」,係指用某啲媒介、向一個或者一班對象表達、一連串有先後之分、彼此之間有關嘅事件 ,而一個以某啲形式-例如一段文字 或者一段影片 -將故仔表達出嚟嘅物體就係所謂嘅敘事體 。故仔係真 嘅又得、虛構 嘅都得,真實故仔包括旅遊文學 、回憶錄 同自傳 等嘅作品,而虛構故仔又有科幻 、奇幻 以及恐怖故仔 等嘅類型。
有多個人文 領域都會研究故仔:敘事學 同文學理論 等嘅領域有興趣理解故仔,會對故仔做出各種分析;喺現代敘事學上,一般會將要分析嘅故仔揼散做唔同嘅敘事元素 -敘事元素包括咗角色 、背景設定 同情節 等等,呢啲領域嘅學者會分析故仔作者點樣運用呢啲敘事元素,並且將敘事元素分門別類;而創意寫作 領域嘅工作者就會運用呢啲知識,思考點樣作好睇嘅故仔同埋教人作好睇嘅故仔。
故仔係普世文化通則 。噉講意思即係話,無論語言文化,世上已知嘅人類族群幾乎冚唪唥都有作故仔嘅行為。人類會為咗娛樂 或者傳達知識 等嘅目的而作故仔,透過作唔同形式嘅故仔展示想像力 以及傳承先人嘅智慧,所以故仔不嬲都係文化 嘅一個重要組成部份;人類學 同社會學 等社科 領域嘅學者喺嘗試了解一個人類族群嗰陣,好多時都會花心機研究嗰個族群嘅人之間流傳嘅故仔。 (成篇文章…… )
以前嘅正文: 嶺南大學 (廣州) – 灰狼 – 蜜蜂
This article uses material from the Wikipedia 粵語 article Wiki:是日正文 , which is released under the Creative Commons Attribution-ShareAlike 3.0 license ("CC BY-SA 3.0") ; additional terms may apply (view authors ). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.