猶太曆

宗教/語言
猶太教、經典、制度、一神論 希伯來文、亞拉米文
重要典籍與文獻
塔納赫(妥拉、先知書、聖錄)、 塔木德、米德拉什、拉比文獻、 其他文獻、613條誡律
派系(古代)
撒都該人、法利賽人、奮銳黨人、 艾賽尼人、特拉普提派、卡拉派
派系(現代)
正統派、保守派、改革派、 重建派、世俗猶太人
猶太教思想
猶太教神秘主義、默卡巴神秘主義、 喀巴拉
歷史
歷史年表、古代、拉比時期、 中世紀、現代
先祖
亞伯拉罕、以撒、雅各、約瑟、 十二支派、摩西、大衛、所羅門
曆法/節日
猶太曆、逾越節、除酵節、 歲首節、贖罪日、住棚節、 妥拉節、修殿節、摩西誕辰日 普珥節、舍巴特節、安息日、 大屠殺記念日、奧默爾節、 耶路撒冷節、七七節、 悲哀日、新月節
猶太聖地
耶路撒冷、馬薩達
重要事件
馬卡比起義、猶太人大屠殺、 以色列國成立、反猶主義
現代宗教運動
錫安主義
睇 • 論 • 改 • 歷

猶太曆係以色列而今仲用緊嘅一種傳統陰曆，以新月初升作為初一，月小 29 日，月大 30 日。非閠年 12 個月，總日數 353 到 355 日。每 19 年有 7 個閏年⸺分別係第 3､ 6､ 8､ 11､ 14､ 17 同 19 年⸺閠年就會閠亞達月；月大嘅閠亞達月加埋月小嘅亞達月，閏年總日數 383 至 385 日，平衡返同太陽年之間嘅相差。

古猶太人向來習慣用口傳嘅方式嚟傳授知識，好多嘢其實都無文字記載，包括曆法在內。直到以色列亡國，猶太人流散各地，呢個時候先有人意識到要用文字將猶太人嘅智識同文化記載低。而猶太曆法一般認為喺係公元前 359 年由一個被稱為希勒爾二世｣（Hillel II）嘅學者制定出嚟。

當時以色列因為亡國而成為巴比倫之囚，受咗巴比倫文化影響，係制定正式曆法嘅時候，就揉合咗巴比倫曆嘅太陽計法，制定出一套每19年加入7個閏年嘅計法，連每個月份嘅名稱都同巴比倫曆好似。

之前猶太曆都係跟月亮周期而定，喺吸收左巴比倫曆嘅太陽計法之後，佢嘅月份就跟月亮計，而年份就跟太陽計，結果就變成咗一套陰陽合一嘅曆法。

所有猶太教節日都係根據猶太曆法嚟計。

猶太人有多過一個新年，但係一般來講 ｢新年｣ 係指提斯利月初一嘅 ｢歲首節｣。

1. 提斯利月初一，希伯來文叫做 ｢歲首｣（希伯來文：ראש השנה‎），日子改年份嘅係呢日，一般慶祝嘅亦都係呢個新年。
2. 聖經明文規定，出咗埃及之後尼散月先係正月，對應嘅節日係逾越節。
3. 另外仲有一個叫做 ｢細罷特月十五號｣（Tu BiShvat）嘅節日，叫做 ｢樹木嘅新年｣。

猶太曆法嘅元年係根據塔納赫嘅記載，推算出上帝創造世界嘅時間，再推前大約一年到提斯利月初一，作為開始計算年份。照推算，猶太曆元年提斯利月初一應該係創世前嘅一個星期一。

以2006年為例，猶太曆新年開始，就係 5767 年。

• 5767年 = 2006年9月23號之前嘅日落開始
• 5768年 = 2007年9月13號之前嘅日落開始
• 5769年 = 2008年9月30號之前嘅日落開始
  　　　 ⋮
• 5782年 = 2017年9月7號之前嘅日落開始
• 5783年 = 2022年9月26號之前嘅日落開始
• 5784年 = 2023年9月16號之前嘅日落開始

並唔係所有猶太人都認為呢個世界只有五千幾年歷史，關於呢點有好多解釋，其中一個較普通同意嘅講法認為：喺神話時代嘅時間觀同而家唔同，所以用而家嘅時間觀去推算創世年份係無可能咁話喎。

用希伯來文寫，寫日子嘅次序係日月年（右到左），日同年都係用希伯來數字表示。

用英文嘅話，次序就跟當地寫法，例如喺北美會寫月日年，喺英國就寫日月年。但係一定係寫月名，唔寫數字，因為猶太曆有兩個正月，加上號碼上係一月嘅尼散月唔係改年份嘅新年。