Индий океа́н — Черде хемчээли-биле үш дугаар улуу, делегейниң суг кырының 20 %-зун шып турар.
Ооң шөлү 76,17 сая км², суунуң хемчээлиниң делгеми — 282,65 сая км³. Океанның эң терең чери Зонд ховулунда (7729 м).
Соңгу талазында Азияны, барыын талада — Африканы, чөөн талада — Австралияны, мурнуу талазында - Антарктиданы шаптап турар. Атлант океан-биле кызыгаары чөөн дурттуң 20° меридианында эртип чыдар; Оожуму-биле — чөөн дурттуң 146°55’ меридианында. Индий океанның эң соңгу кыдыы Персид ээтпекте соңгу делгемчилдиң хөлү-биле 30°-та турар. Индий океанның дооразы 10 000 хире км, Австралияның болгаш Африканың мурнуу мугулдурларының аразы.
Далайларның, ээтпектерниң болгаш өдүглерниң шөлү 11,68 сая км² (бүдүн океанның кырының шөлүнден 15 %), суунуң хемчээлиниң делгеми 26,84 сая км³ (9,5 %). Далайлар болгаш кол ээтпектер океанның эриин дургаар чыдар (шак аайы-биле): Кызыл далай, Аравий далай, (Аден ээтпек, Оман ээтпек, Персид ээтпек), Лаккадив далай, Бенгал ээтпек, Андаман далай, Тимор далай, Арафур далай (Карпентария ээтпек), Улуг Австралий ээтпек, Моусон далай, Дейвис далай, Дем-биле далайы, Космонавттар далайы (сөөлгү дөртелдирзин чамдыкта Мурнуу океанга хамаарыштырар).
Чамдык ортулуктар — чижээ, Мадагаскар, Сокотра, Мальдив — бурунгу диптерниң артынчылары болуп турар, өскелери — Андаман, Никобар азы Рождество ортулуу — оттуг-даг уктуг. Индий океанның эң улуг ортулуу — Мадагаскар (590 муң км²). Улуг ортулуктар болгаш бөлүглелдер: Тасмания, Шри-Ланка, Кергелен ортулуктар бөлүглели, Андаман ортулуктар, Мелвилл, Маскарен ортулуктар (Реюньон, Маврикий), Кенгуру, Ниас, Ментавай ортулуктар (Сиберут), Сокотра, Грут-Айленд, Комор ортулуктар, Тиви ортулуктар (Батерст), Занзибар, Симёлуэ, Фюрно ортулуктар (Флиндерс), Никобар ортулуктар, Кешм, Кинг, Бахрейн ортулуктар, Сейшел ортулуктар, Мальдив ортулуктар, Чагос ортулуктар бөлүглели.
This article uses material from the Wikipedia Тыва article Индий океан, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контент CC BY-SA 4.0 лицензия аайы-биле (өскези айыттынмаан болза) ажык. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Тыва (DUHOCTRUNGQUOC.VN) is an independent company and has no affiliation with Wiki Foundation.