Галымжан Тельман оглу Койшыбаев (каз.
Галымжан Тельман оглу Койшыбаев | |
---|---|
Төрүттүнген хүнү | 1968 апрельдиң 12 (55 хар) |
Чурт |
Галымжан Тельман оглу Койшыбаев 1968 чылдың апрель 12-де Казах ССР-ниң Кызылорда хоорайга төрүттүнген.
1991 чылда М. В. Ломоносов аттыг Москваның күрүне университедин дооскаш, ол-ла чылын ооң аспирантуразынга киргеш, 1994 чылда философия эртемнериниң кандидадының эртем чадазын алыры-биле киирген диссертациязын камгалап алган.
1995–1997 чылдарда – Казахстан Республиказының Россия Федерациязында элчин чериниң атташези, үшкү секретары.
1997–1998 чылдарда – Казахстан Республиказының Россия Федерациязында элчин чериниң бирги секретары, чөвүлекчизи.
1998 чылда Казахстан Республиказының Россия Федерациязында элчин чериниң төлээлекчизиниң чөвүлекчизинге томуйлаткан.
2004 чылда Казахстан Республиказының Коллективтиг айыыл чок чорук керээзиниң организациязында Бүрүн эргелиг төлээлекчизи кылдыр томуйлаткан.
2004–2006 чылдарда – Казахстан Республиказының Президентизиниң Таңма чериниң кол инспектору.
2006 чылдан эгелеп Казахстан Республиказының Даштыкы херектер яамызының Онза даалгалар талазы-биле элчининиң хүлээлгезин күүседип турган.
2008 чылдың декабрь 4-те Күрүне баштыңының чарлыы-биле Казахстан Республиказының Литва Республикада Онза болгаш Бүрүн эргелиг Элчининге томуйлаткан.
2009 чылдың февраль 12-де Күрүне баштыңының чарлыы-биле Казахстан Республиказының хары угда Латви Республика, Эстон Республика болгаш Финляндияда Онза болгаш Бүрүн эргелиг Элчининге томуйлаткан.
2012 чылдан 2016 чылга чедир – Казахстан Республиказының хары угда Финляндия болгаш Эстон Республикада Онза болгаш Бүрүн эргелиг Элчини.
2016 чылдың март 4-тен 2019 чылдың март 25-ке чедир – Казахстан Республиказының Даштыкы херектер яамызының сайыдының оралакчызы.
2019 чылдың март 26-тен эгелеп – Казахстан Республиказының Эреңгей сайыдының Таңма чериниң удуртукчузу.
This article uses material from the Wikipedia Тыва article Койшыбаев, Галымжан Тельман оглу, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контент CC BY-SA 4.0 лицензия аайы-биле (өскези айыттынмаан болза) ажык. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Тыва (DUHOCTRUNGQUOC.VN) is an independent company and has no affiliation with Wiki Foundation.