რუალ ამუნდსენი (ნორვ.
16 კვირკვე 1872 — ღ. 18 მანგი 1928) — ნორვეგიალი მეშარე, პოლარეთიშ მარკვიალი.
რუალ ამუნდსენი | |
ნორვ. Roald Engelbregt Gravning Amundsen | |
მოღალობა | მეშარალე |
---|---|
ბიოგრაფიული ჩინებეფი | |
დაბადებაშ თარიღი | |
ღურაშ თარიღი | მანგი 18, 1928 (55 წანერი) |
ღურაშ აბანი | ბარენციშ ზუღა (მეხოლაფირო) |
დოლმახორალა | შვედეთ-ნორვეგიაშ ომაფე |
მუმა | იენს ენგებრექტ ამუნდსენი |
ნანა | ჰანა ჰენრიკე გუსტავა სალკვისტი |
ამუნდსენქ დებადჷ ვერვენიშ ნოშეკაგაფუშ მაღვენჯი კაპიტანიშ ფანიას. 1890-1892 წანეფს, გურაფულენდჷ ნოღა კრისტიანიშ უნივერსიტეტიშ სამედიცინო ფაკულტეტის. მაართათ მუკორთჷ (1903-1906 წწ) ხვამარდით „იოა“ ამერიკაშ ოორუე წყარპიჯი გრენლანდიაშე ალიასკაშახ (ოორუე-ბჟადალი გიშალით) დო გიმირკუ კანადაშ არქტიკული არქიპელაგიშ მუსხირენ კოკი. ჩატარჷ ანტარქტიკული ექსპედიცია (ხვამარდით „ფრამი“), მართაქ მიოჭირინუ ობჟათე პოლუსის 1911 წანაშ 14 ქირსეთუთას (ართი თუთათ უწორუ ინგლისარ რობერტ სკოტის). 1918-1920 წანეფს, ხვამარდ „მოდით“ მუკორთჷ ევრაზიაშ ოორუე წყარპიჯი ბჟადალშე ბჟაეიოლიშჸურე. 1926 წანას, გჷნახორციელჷ მაართა ტრანსარქტიკული გჷნოფურინუა დირიჟაბლით „ნორგე“ — მარშრუტით: შპიცბერგენი — ოორუე პოლუსი — ალიასკა. 1928 წანას ჰიდროფურინჯი „ლატამით“ მიდართჷ უმბერტო ნობილეშ იტალიური ექსპედიციაშ ოგორშა დო ეკიპაჟწკჷმა ართო ბარენციშ ზუღას დოღურჷ. ამუნდსენიშ პატიოცემელო, თიშ ჯოხო გაიდჷ ზუღას, გვალას დო ააშ-შ ომენცარე დგჷმილს (ამუნდსენ-სკოტი) ანტარქტიდას, თაშნეშე ჸუჯის დო ფაქვილს ოორუე ჸინუამ ოკიანეს.
This article uses material from the Wikipedia მარგალური (Margaluri) article რუალ ამუნდსენი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.