Poerî D' Cwin
Li poere di cwin, c' est on frut ki rshonne a ene poere, mins elle est pus deure, elle a des coisses et ene poyowe pea. On nel pout magnî k' estant cûte.
Li poere di cwin vént so on poerî d' cwin a pårti di belès blankès fleurs.
Sincieus no d' l' indje : Cydonia spp.
Li poere di cwin n' est nén del minme indje kel poere.
Vinaedje
Les poeres di cwin polèt dmorer so l' åbe disk' ås prumirès djalêyes. On voet k' il a bén relé cwand leus pwels dimorèt dins les mwins.
Ricetes des poeres di cwin
cûtes avou do souke
Les poeres di cwin si magnèt cûtes avou do souke.
e djelêye
Prinde des belès djaenès poeres d' cwin, haetchî li cawe et l' moxhe evoye; elzès schover avou ene deure broexhe po rsaetchî li pluche k' i gn a sol pelake, pu les rispåmer comifåt.
Kitaeyî les fruts tot leyant l' crakion. Mete dins ene bassene et covri d' aiwe.
Fé cure a feu nén trop foirt.
Cwand les fruts sont bén cûts, sigoter et rprinde li djus.
Mete on kilo d' souke po on lite di djus; cure a roed feu 15 munutes å long. Vey si c' est deur assez et mete dins des verenes.
On pout fé parey avou mitan poeres di cwin, mitan pemes.
This article uses material from the Wikipedia Walon article Poerî d' cwin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.