Licince Di Libe Documintåcion Di Gnu

Li såme di visse licince cial c' est di rinde «libe» tot manuel, live ou ôte sicrît documint; libe dins l' sins di dner l' liberté a tertos del poleur lére, del poleur copyî ou spåde, tot l' candjant ou nén, et po des çanses ou nén.

Tos les contnous di Wiki sont dizo cisse licince chal.

• Li modêye 1.2 del licince si trouve so http://www.gnu.org/copyleft/fdl.html (en inglès)
• on ratournaedje (nén oficir) e francès si trouve al hårdêye: http://cesarx.free.fr/gfdlf.html

Avou l' GFDL, tolminme kî pout fé tot çou k' i vout avou l' imådje u l' tecse, li prinde por lu, l' candjî, li spåde, el vinde et wangnî bråmint des cwårs. Li seule sôre k' on n' pout nén fé, c' est del mete dizo ene ôte licince. Dj' ô bén k' on n' pout nén espaitchî les ôtes d' aveur les minmes droets di fé çou k' i vôrént avou.

Årvier del GFDL, si ene imådje u on tecse est metou sol dominne publik, tolminme kî pout fé tot çou k' i vout avou. Minme candjî ene crole eyet dire k' adon c' est lu k' a ls abondroets so cisse nouve modêye la k' est ene miete diferinne, et k' on nel pout nén rcopyî. C' est po çoula k' voet pus voltî l' GFDL, pask' ele espaitche k' on toursiveus godi vegne candjî ene miete li tecse. Metans, e walon, li "ratourner" di l' accint del Basse Libin a l' accint del Hôte Libin; adonpwis, dire ki l' nouve modêye c' est da lu.

• Wiki: Abondroets

• Tecse etir del licince (en inglès)