Ene lete, c' est on sene eployî po li scrijhaedje d' ene metowe langue, et ki fwait pårteye di l' abécé di ç' lingaedje la.
Ene lete, dins l' bon droet, ni divreut responde k' a èn oyon do lingaedje.
Dins l' alfabet latén, tchaeke lete a deus scrîtès fôme. Gn a l' pitite lete, ordinaire et l' grande lete, metowe al tiesse del fråze eyet dins les nos prôpes.
Ni alfabet arabe ni l' alfabet tifinar n' ont di grandès letes.
Dins l' alfabet latén, gn a des letes ki rprezintnut les cossounes (19 letes), des cenes les voyales (5 letes), et des cenes les dmeyès cossounes (W et Y, çou i fwait deus letes). E l' alfabet arabe, gn a k' les longuès voyales ki sont rprezintêyes pa des letes. Les coûtès voyales sont metowes, si on vout, ådzeu do scrijhaedje, a môde di faflotes.
Dins bråmint des lingaedjes sicrîts avou l' alfabet latén, on-z a dvou radjouter des faflotes (senes diyacritikes) ådzeu ou ådzo des letes po rinde les sons del langue.
E l' alfabet latén, les letes d' imprimreye ont des cognes diferinnes des letes do scrijhaedje corant.
Dins li scrijhaedje al mwin, gn a ene manire årtistike di scrire les letes : l caligrafeye.
This article uses material from the Wikipedia Walon article Lete, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.