Påjhûle nute (e l' almand: Stille Nacht, heilige Nacht, coete nute, sinte nute), c' est ene rilomêye tchanson d' Noyé, foirdjeye e-n almand, et ki date di 1818.
Li cåzaedje a stî scrît på pere Joseph Mohr (1792 – 1848) a Oberndorf dilé Sasbork (Otriche). Li compôzeu fourit Franz Xaver Gruber (1787 – 1863).
Li mwaisse modêye a shijh coplets (sins resploe). Mins li modêye li pus tchantêye n' end a k' troes.
Dins l' mwaisse modêye, li shijhinme fråze est l' minme ki l' cénkinme.
Vocial li mwaisse tecse e-n almand del modêye ås troes coplets:
Elle a stî ratournêye dins ene peclêye di lingaedjes.
Les ratournaedjes dins les lingaedjes etrindjirs ont-st on nombe diferin d' coplets.
Li tchanson a stî ratournêye e walon pa Jean-Denis Boussart. Elle est tchantêye pa René Chaumont sol plake «Matante Jane».
(redjårbaedje Djhan-Dnixh Boussårt, ritravayî e rfondou, tchanté avou on prononçaedje zero-cnoxheu, 1î coplet) | |
Gn a eto on redjårbaedje da Christian Antoine k' a parexhou dins «Singulîs» 4-2010. Elle est tchantêye pal tchantreye "Les tchanteus d' après meynute".
(redjårbaedje Christian Antoine, ritravayî e rfondou, tchanté avou on prononçaedje zero-cnoxheu, 1î coplet) | |
Èn ôte libe redjårbaedje est l' ouve da Lucyin Mahin.
(redjårbaedje Lucyin Mahin, tchanté avou on prononçaedje zero-cnoxheu, les 3 coplets) | |
Les deus prumîs coplets sont classikes: li stoele ki mostere li ståve (ou l' tcheri) la k' Mareye s' a-st acoûtchî, li tchanson des andjes, l' acoraedje des bierdjîs.
Dins l' troejhinme coplet, li scrijheu riprind ene creyance levantrece come cwè li Ptit Djezus cåzéve dedja estant co påpåd, po-z espliker ki s' mame n' aveut fwait nou petchî, mins ki s' ratindance esteut l' ouve do Bon Diu.
(so l' Aberteke)
so Wikisourd: Dins_l’_påjhûle_nute (tecse Lucyin Mahin)
Tchantaedje (sol sitroete plake «Matante Djene»)
This article uses material from the Wikipedia Walon article Påjhûle nute (tchanson), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.