Li muzike a boke u muzike a boutche, c' est èn instrumint d' muzike k' on tént e s' boke, et shofler dvins u saetchî après po fé des sons.
Å pus sovint, gn a troes octåves. Les notes do, mi, sol et do si fwaiynut tot shoflant; les notes ré, fa, la et si s' oyèt cwand on aspire.
Li muzike a boutche si lome "armonika" e francès; c' est èn emacralé mot ca, e walon, l' årmonica, c' est èn acordeyon.
E 1821, Christian Friedrish Bushman, on djonnea d' 16 ans, fwait bruvter èn instumint a hantches di fier, metowes e rond. L' instrumint fijheut 10 cm, et dnéve 21 sons avou des årmoneyes di 6 tons. Si poleut on tni ene note ossu lontins k' on vleut.
Diviè 1826, on lomé Richter candje l' adjinçmint des hantches. Ele sont montêyes di tchaeke costé d' on pingne e bwès d' cede. Tot shoflant u saetchant dins les 10 trôs, on-z aveut 21 sons.
E 1857, on fjheu d' montes lomé Hohner a cmincî a fé lu-minme des muzikes a boutche. End a rexhou 650 ciste anêye la. E 1887, li fabrike Hohner sôrtixheut dipus d' on miyon d' muzikes a boke. Asteure, i produjhèt dipus d' 90 cognes diferinnes.
This article uses material from the Wikipedia Walon article Muzike a boke, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.