Motî
On motî (on dit eto : on live di mot u on diccionaire), c' est on live wice ki les mots d' on lingaedje sont metous onk dirî l' ôte, sorlon l' ôre alfabetike di ç' langue la.
Les motîs do walon sont metous so ene pådje tote seule.
Mwaissès esplikêyes
Les intrêyes d' on motî sont des mots, des trokes di mots valant on seu mot, aplakés u nén, et les mots d' etroclaedje. Tchaeke intrêye est lomêye djivion.
Les cis k' adjinçnèt des motîs sont lomés des diccionairîs (dicionairresses).
Dispu les anêyes 2000, les motîs sont-st eto eplaidîs sol Daegntoele.
Gn a des esplicants motîs, la k' les mots sont shuvous di leu-z esplikêye, et des ratournants motîs la k' les mots sont ratournés eviè èn ôte lingaedje.
Gn a eto ses motîs speciås come les motîs etimolodjikes.
Les lingaedjes k' eployèt des caracteres chinwès ont eto des motîs d' caracteres, wice ki les caracteres sont spepyîs (clé, nombe di traits, manire delzès scrire, sinses, prononçaedjes,…).
E l' arabe, les motîs ni sont nén erîlés pa ôre alfabetike des mots mins sorlon les bodjes (sovint ås troes letes). Tote li parintêye avou "betchetes" et "cawetes" si rtove dins l' minme hagnon.
On motlî, c' est ene djivêye di mots d' on tchamp d' kinoxhances.
This article uses material from the Wikipedia Walon article Motî, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.