Moes
On moes, c' est ene termene ki corespond a pô près å tins inte deus tinrès lune.
Tchaeke moes poite si prôpe no.
Moes, samwinne, djoû et anêye
On conte les djoûs tot cminçant på prumî å dvins d' tchaeke moes. End a di 28 a 31.
On moes fwait cwate a cénk samwinnes, sorlon les calindrîs.
Å pus sovint, fåt 12 moes po fé ene anêye. Mins dins l' calindrî gålwès, gn aveut on moes d' ratrapaedje tos les 3 ans.
Moes do calindrî grigoryin
Les moes do calindrî grigoryin ont trinte u trinte-ey-onk djoûs, apus ki l' pitit moes k' end a k' 28, et 29 les anêyes bizetes.
Les 12 moes si lomnut: djanvî, fevrî, måss, avri, may, djun, djulete, awousse, setimbe, octôbe, nôvimbe eyet | decimbe.
Moes del lune
Dins on calindrî lunrece, li moes cmince al tinre lune, et finixh li djoû di dvant li tinre lune d' après. C' est insi ki l' tins est conté dins l' calindrî muzulman.
This article uses material from the Wikipedia Walon article Moes, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.