Li royinne del nivaye (e-n inglès, pol mwaisse modêye : Frozen, édjalé; e francès La reine des neiges), c' est on fime d' imådjes k' a vudî e 2013 des studios Walt Disney.
Les fjheus do fime fourît Chris Buck et Jennifer Lee.
Li spoûle est rashiowe sol cene do floriconte da Hans Christian Andersen ki poite li minme tite (mins nén e-n inglès) «Li royinne del nivaye».
Mins l' istwere a stî foirt ricandjeye.
Li princesse Elza d' Arendel a li sbarant povwer di fé candjî e glaece tot çou k' ele aduze. C' est po çoula k' elle a stî aclevêye reclôse, minme di s' sour Anna, po nel nén touwer pa edjalaedje.
Mins ses parints morèt dins on voyaedje e batea. Elza va esse coronêye royinne. Ele saye di n' nén mostrer si drole di povwer, tot metant des wants. Mins a on metou moumint, elle est so des tchôdès braijhes, pask' ele doet rsaetchî s' want. Adon, tot çk' ele djond si candje e glaece.
Po n' nén distrure li rweyåme di s' pa, ele skiftêye evoye eviè l' Pôle Nôr, la k' ele si va ahiver on palå d' glaece.
Mins elle a leyî li rweyåme edjalé. Les barons volnut touwer si djonne sour, Anna, k' a prins s' plaece. Cisse-ciale endè va sayî di fé candjî s' sour.
Tote seule dins l' ivier, ki va-t ele divni ? Lacobén k' ele rescontere on moenneu d' rene, Cristofe, kel acpagntêyrè tot l' restant do voyaedje.
This article uses material from the Wikipedia Walon article Li royinne del nivaye (fime d' imådje 2013), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.