Muzyurak: 2013-yilda Amerika animatsion filmi
Muzyurak (inglizcha: Frozen) — 2013-yilda Walt Disney Pictures tomonidan ishlangan 3D formatli musiqiy va fentezi janrlaridagi kompyuter-animatsion film.
Kartina Disney animatsion filmlarining 53chi toʻliqmetrajli filmi boʻlib, film gʻoyasi Hans Christian Andersenning „Qor malikasi“ hikoyasiga asoslangan hisoblanadi. Film voqealariga koʻra, Anna opasi Elsani (Qor malikasi) topish ilinjida, Kristoff va uning bugʻusi Sven bilan birgalikda yoʻlga chiqishadi.
| Muzyurak | |
|---|---|
| Frozen | |
_poster.jpg) Film posteri | |
| Rejissyor(lar) |
|
| Prodyuser(lar) | Peter Del Vecho |
| Ssenariynavis(lar) | Jennifer Lee |
| Hikoya |
|
| Rollarda |
|
| Bastakor(lar) |
|
| Muharrir(lar) | Jeff Draheim |
| Studiya(lar) |
|
| Distribyutor | Walt Disney Studios Motion Pictures |
| Davomiyligi | 102 daqiqa |
| Mamlakat |  AQSh |
| Til | inglizcha |
| Byudjeti | $150 million |
| Daromadi | $1,276 milliard |
| Keyingi film | Muzyurak 2 |
Muzyurak filmining premyerasi Amerika Qoʻshma Shtatlarida 22-noyabr 2013-yilda boʻlib oʻtdi. Film dunyo boʻylab $1.276 milliard jamgʻardi. Film AQSh va Kanadada $400 million, Yaponiyada esa $247 millionni tashkil etadigan, jami $1.276 milliard daromadiga ega kartina hisoblanadi. Shunga koʻra, film daromadi boʻyicha 2013-yilning eng yuqori daromadli filmi, dunyo miqyosida 13chi eng yuqori daromadli film, faqat animatsion filmlar miqyosida esa Qirol Sher filmidan keyin 2chi eng yuqori daromadli animatsion film sanaladi. Kartina, shuningdek, ayol rejissorlik qilgan eng daromadli film ham hisoblanadi. Film roʻyxatni yangilamaganiga qadar, bu roʻyxatda Warner Bros. Pictures tomonidan ishlangan Moʻjizakor ayol filmi turar edi.
Mazmuni
Arendelle malikasi Elsa sehrli kuchga ega boʻlib, bu kuch unga muz va qorni boshqarish va yaratishga imkon beradi, koʻpincha bu qobiliyatni u singlisi Anna bilan oʻynash uchun ishlatadi. Elsa tasodifan sehr-jodu bilan Annani jarohatlaganidan soʻng, ularning ota-onalari — Qirol va Qirolicha, ikkala farzandlari — Elsa va Annani Grand Pabbie boshchiligidagi trollar koloniyasiga olib borishadi. U Annani davolaydi, biroq Elsaning sehrgarlik qobiliyatuni unutishi uchun uning xotiralarini oʻzgartiradi. Grand Pabbie Elsani oʻz kuchlarini boshqarishni oʻrganishi kerakligini va qoʻrquv uning eng katta dushmani boʻlishini ogohlantiradi. Qirol va Qirolicha ikkala opa-singillarini ham qasr ichkarisida bir-birlari bilan uchrashishga yoʻl qoʻyishmaydi va qal’a eshiklarini yopib qoʻyishadi. Singlisini tobora oldindan aytib boʻlmaydigan kuchlardan himoya qilish maqsadida boʻlgan Elsa, Anna bilan barcha aloqalarni toʻxtatadi va ular oʻrtasida ziddiyat paydo boʻladi. Opa-singillar oʻspirin boʻlganida, ularning ota-onalari boʻron paytida dengizda yoʻqolgan.
21 yoshga toʻlganidan soʻng, Elsa Arendelle qirolichasi sifatida kiyinishi kerak. U qirollik fuqarolari uning kuchi toʻgʻrisida bilib qolishidan va undan qoʻrqishlaridan choʻchiydi. Qal’aning darvozalari koʻp yillar davomida ilk bor boshqa qirolliklardan keladigan mehmonlar va mahalliy aholiga ochildi. Mehmonlar orasida hiyla-nayrangli Weselton gersogi va janubiy orollar shahzodasi Hans ham bor. Hans va Anna bir qarashda bir-birlarini sevib qolishdi. Anna va Hans, qasrda oʻtkazilayotgan tantanali marosimda romantik aloqani rivojlantiradilar va Hans beixtiyor Annaga turmush qurishni taklif qiladi, biroq Elsa, Anna undan turmushga chiqishni soʻraganda qarshi chiqadi. Xafa boʻlib, sarosimaga tushgan Anna norozilik bildiradi hamda Elsadan bundan nega qoʻrqishi va izolyatsiya sababini tushuntirishini iltimos qiladi. Hissiy tanglik Elsani tasodifan mehmonlar oldida oʻz qobiliyatlarini ishga solishiga olib keladi. Bu hodisadan soʻng, gersog tomonidan yirtqich maxluq deb atalgan Elsa, Shimoliy togʻga qochib ketadi va u yerda nihoyat oʻz kuchini tan oladi va hayotini oʻtkazish uchun muzli saroyni barpo etadi. Bu jarayonda uning sehri beixtiyor, Arendelleni abadiy qish bilan qamrab oladi.
Anna Elsani topishga va qishni tugatishga undash uchun qasrdan chiqishga jur’at etdi va Hansga vaqtincha amalda hokimiyatni topshirdi. Uzoq safarga yoʻl olgan Anna, adashib, Wandering Oakenga tegishli doʻkonda materiallar yigʻib yuribdi. U Kristoff ismli muz yoruvchi va uning bugʻusi — Sven bilan uchrashib, toqqa chiqishga yordam berishini soʻraydi, ular esa oxir-oqibat rozi boʻladi. Boʻrilar hujumi Kristoffning chanasini sinishiga olib keladi. Ular piyoda yurib, Elsa tomonidan bilmagan holda hayot berilgan qor odam — Olaf bilan uchrashishadi va u, oʻzini saflariga qoʻshishni taklif qiladi. Bosh tarafdan, Annaning oti, Annasiz Arendellega qaytib kelganda, Hans Anna va Elsani, gersogning askarlari hamrohligida, Elsani oʻldirish boʻyicha maxfiy buyruq bilan topishga kirishdi.
Anna muz saroyiga yetib borgach, Elsa bilan uchrashadi. Anna Arendellega nima boʻlganini aytib berganida, dahshatga tushgan Elsa sehrini qanday bekor qilishni bilmasligini tan oladi. Uning qoʻrquvi uning kuchlarini yana bir bor namoyon boʻlishiga olib keladi va u tasodifan Anna yuragini muzlatib, unga jiddiy shikast yetkazadi. Keyin Elsa Anna, Kristoff va Olafni quvib chiqaradigan Marshmallow nomli ulkan qor maxluqini yaratadi. Elsa sehrining Annaga taʼsirini anglagan Kristoff uni trollar, yaʼni uni asrab olgan oilasi yoniga olib boradi. Annani holatini koʻrgan Grand Pabbie esa, sehrni faqat „chin muhabbat“ bekor qilishi mumkinligini, aksi boʻlsa, Anna muzlab qolishini aytadi.
Kristoff Annani zudlik bilam qasrga olib bormoqchi, chunki Hansning chin muhabbat timsolida Annadan olgan boʻsasi, uni qutqarishi mumkin. Hans va uning odamlari Elsaning saroyiga yetib boradilar, ular Marshmallowni magʻlub etishadi va Elsani qoʻlga olishadi. Keyin Anna Hansning yoniga yetib boradi (bu paytda, Hans qasrga qaytgan edi), biroq u Annadan boʻsa olish oʻrniga, aslida ikkala opa-singilni ham yoʻq qilish orqali Arendelle taxtini egallashni rejalashtirganligini aytadi. Hans Annani oʻlishi uchun xonaga qamab qoʻyadi. Keyin, Hans Annani oʻldi deb oʻylab, uni Elsa oʻldirdi, deb mulozimlarga aytish orqali hokimiyatni qoʻlga kiritadi. U qirolicha Elsani qatl etishni buyuradi, keyinchalik Elsaning hibsxonadan qochib qutulganini bilib oladi.
Olaf Annani ozod qiladi. Olaf Annaga, unga oshiq boʻlgan Kristoff bilan uchrashishni aytib, boʻron boʻlayotgan tashqariga chiqishga urinishadi. Hans Elsani ortidan taʼqib qilib, unga „Annani Elsa oʻldirganligini“ aytadi, Elsa buni eshitgan zahoti boʻronni toʻsatdan toʻxtatdi. Keyin, Anna Elsani oʻldirmoqchi boʻlgan Hansni koʻrdi; u Hansni toʻxtatib, Hans tarafidan Elsa tomon borayotgan qilichni qoʻli bilan toʻxtatadi, sababi u muzlab qolgan edi. Keyin Elsa, gʻamga botib, Annani quchoqlaydi, uning Annaga boʻlgan muhabbati, Annaning muzlagan yuragini eritib, oʻz holiga qaytaradi.
Muhabbat uning sehrini boshqarish uchun kalit ekanligini anglagan Elsa, qishni tugatadi va iliq ob-havodan omon qolish uchun Olafga shaxsiy doimo qor yogʻadigan bulutcha tuhfa etadi. Hans hibsga olingan va xiyonat uchun qirollikdan surgun qilingan, gersogning esa Arendelle bilan savdo aloqalari uzilgan. Anna Kristoffga yangi chana sovgʻa qiladi va ikkalasi ham bir-birlaridan boʻsa olishadi. Opa-singillar birlashdilar hamda Elsa bundan buyogʻiga, qal’a eshiklarini boshqa yopmaslikka vaʼda berdi.
Titrdan keyingi sahnada, Marshmallow Elsaning tashlab yuborilgan tojini topadi. Keyin Marshmallow tojni boshining tepasiga qoʻyadi va tabassum qiladi.
Ovoz berganlar
.jpg)
.jpg)
- Kristen Bell — Anna:
- 18 yoshli qiz, Arendelle malikasi va Elsaning singlisi
- Livvy Stubenrauch — 5 yoshli Anna
- Katie Lopez — 5 yoshli Anna (ashulasi)
- Agatha Lee Monn — 9 yoshli Anna
- Idina Menzel — Elsa:
- 21 yoshli Arendelle qirolichasi va Annaning opasi
- Eva Bella — 8 yoshli Elsa
- Spencer Lacey Ganus — 12 yoshli Elsa
- Jonathan Groff — Kristoff:
- Trollar tomonidan tarbiya olgan yigit, keyinchalik Annaning sevgilisi va Svenning (bugʻu) egasi
- Tyree Brown — 8-yoshli Kristoff
- Josh Gad — Olaf:
- Elsa va Annaning bolaligida yasalgan va yozni orzu qiluvchi kulguli qorbola
- Santino Fontana — Hans:
- Southern Isles shahzodasi va Annaning soxta sevgilisi
- Alan Tudyk — Duke of Weselton
- Ciarán Hinds — Grand Pabbie
- Trollar qiroli
- Chris Williams — Oaken
- Maia Wilson — Bulda:
- Kristoffning trol onasi
- Paul Briggs — Marshmallow:
- Bahaybat qor maxluqi, Elsa barpo etgan muzli saroyni qoʻriqlaydi.
- Maurice LaMarche — Arendelle qiroli
- Anna va Elsaning otasi
- Jennifer Lee — Arendelle qirolichasi:
- Anna va Elsaning onasi
Manbalar
Qoʻshimcha maʼlumot
- Solomon, Charles. The Art of Frozen. San Francisco: Chronicle Books, 3-dekabr, 2013. ISBN 9781452117164. OCLC 843955758.
- Lee, Jennifer „Frozen's Final Shooting Draft“ (PDF). Walt Disney Animation Studios (2013). 1-aprel, 2014da asl nusxadan arxivlangan. Qaraldi: 20-fevral, 2014.
Havolalar
This article uses material from the Wikipedia O‘zbek article Muzyurak, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Matndan CC BY-SA 4.0 litsenziyasi boʻyicha foydalanish mumkin (agar aksi koʻrsatilmagan boʻlsa). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki O‘zbek (DUHOCTRUNGQUOC.VN) is an independent company and has no affiliation with Wiki Foundation.