Groan
Groan is e verzoamelnoame vo de zoadn van e deel gewasn uyt de familie van de grasn (Poaceae of Gramineae) die weireldwyd de belangrykste voedyngsbronne vo de mens vormn.
Groansoortn zyn terwe, rys, maïs, gerst, hoaver en rogge.
Groankorrels bestoan grofweg uyt de kiem (2%), de meelkern of endosperm (85%) en 't vliesje an de buytnkant, de zemel (13%). De meelkern bestoat surtout uyt eiwitn en koolhydroatn. 't Grotste deel van de voedyngsvezels, vitamienn, mineroaln en oliën zit in de zemel en de kiem van de korrel.
Groan kan verwerkt wordn toet verschillige soortn blomme. Meestal wordn de zemel en de kiem by 't moaln en zeevn van 't groan gedeeltelyk of helegans weggewerkt, moa brood woarin da heel de korrel is verwerkt is vele gezoender.
This article uses material from the Wikipedia West-Vlams article Groan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.