Antropologie
Antropologie of menskunde (oud Grieks: ἄνθρωπος ánthrōpos ‚mens‘ en λόγος lógos ‚leer‘) is e tak van de weetnschap die de mens in al zyn aspectn, zowel fysiek of cultureel, bestudeert.
Antropologie wordt gereeknd toet de gedragsweetnschap en de sociale weetnschappn. Omdat antropologie e styf brêed veld bestrykt ist er vanof middn 20e êeuwe een ipdêlienge gemakt in verschillige specialistische studiegebiedn.
Dêelgebiedn
Antropologie wordt deur de American Anthropological Association (AAA) in vier gebiedn oenderverdêeld. De dêelgebiedn zyn:
- Biologische antropologie, fysische antropologie of antropobiologie: bestudeert de mens lyk biologisch organisme, 't gedrag van primoatn, menschelyke evoluusje, paleoantropologie, paleopathologie en populoasjegenetica.
- Linguïstische antropologie: bestudeert de varioasje van toale in tyd en ruumte,'t sociaal gebruuk van toale en de reloasje tusschn toale en cultuur.
- Archeologie: bestudeert de materiële overbluufsels van menschelyke soamnleviengn.
- Sociale en culturele antropologie (vroeger 'volknkunde' of 'etnologie'): bestudeert o.a. 't sociaal gedrag, economische organisoasje en ideologie (inclusief religie) van volkern en bevolkiengsgroepn.
 | Ofbeeldiengn die ier by passn ku je vien in de categorie Anthropology van Wiki Commons. |
This article uses material from the Wikipedia West-Vlams article Antropologie, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.