Hollywood Porn Stars

In 2002 zyn Anthony Sinatra en Michael Larivière (alias Redboy) achter vors-en-tweer gemail tegoaregekomn. Anthony was in die tyd lid van Piano Club, en Michael zaat by My Cheap Little Dictaphone. Twêe daagn achter under êeste ountmoeting aan ze under êersten demo kloar me 3 liedjes, met als doel te kwalificeern vo Concours Circuit (et Woalse equivalent van Humo's Rock Rally, die e kanse gift an ounbekende groeptjes vo deure te breekn).

Ze kwalificeerdn en wierdn dus geplatst vo twêe weekn loater ip te treedn. Doavoren en ze ton Eric Swennen (ex-Discochoc) ip bas en Benoit Damoiseau ip drums ageworvn. Anthony en Michael deejn alletwêe zang en gitaar. Uutendelik en ze 't Concours Circuit gewonn.

Achter under overwinnieng en ze getêeknd by e lokaal ploatenlabel, een EP ipgepakt en begunn tourn met o.a. Hot Hot Heat, Primal Fear en The Donnas.

2004 was 't joar woarin da ze under nieuw album begostn te schryvn, en in 2005 ist ipgepakt gewist: da en ze in 4 dagen gedoan in "live" omstandigheedn (dus m.a.w. ni in e professionele studio). 't Et 2 moand gedeurd vo te mixen, en te lange latste was under nieuw album doa in 2005: Year of the Tiger.

In 2007 brachtn ze Satellites uut.

• Anthony Sinatra (zang, gitaar)
• Michael Larivière (Redboy) (zang, gitaar)
• Eric Swennen (bas)
• Benoit Damoiseau (drums)

• 2002 - Demo
• 2003 - All on the S!x
• 2005 - Year of the Tiger
• 2007 - Satellites

• Undern officiële site
• Fansite