Li Bo

virkand om Li Bai) vai Li Tai-bo (kit.: 李白 / 李太白; sünd. vl 701, Sujab-lidn (nüg. Tokmokan ümbrišt Kirgizstanan pohjoižes), Tan-imperii — kol. vll 762..763, Dantu-makund (nüg. An'hoi-agjas), Tan-imperii) oli Tan-dinastijan aigan kitajalaine runokirjutai. Üks' kaikiš arvostadud runokirjutajišpäi kitajižen i mail'man literaturan istorijas. Hänen jäl'guz om läz 1100 sädust, sidä kesken läz 900 runod.

Li Bo
nimi sündundan jäl'ghe:	kit.: 李白[1]
radmižen toižend:	runokirjutai, laulusõnade kirjutaja, kalligraaf, kirjutai
sündundan dat:	19. semendku 701
sündundan sijaduz:	Suyab[d], Tangi dünastia[d] Jiangyou[d], Suyab[d]
valdkund:	Tangi dünastia[d][1]
kolendan dat:	30. kül'mku 762 (61 vot)
kolendan sijaduz:	Dangtu County[d], Tangi dünastia[d]
tat:	Li Ke[d]
Li Bo VikiAitas
Om sädusid VikiPurtkiš

Runokirjutajan taban pirdad oliba luja kuvitelend, ičtazvedandan epatirui mahtuz, alkogolin i filosofijan süvä navedind. Li Bon daosoiden loštajad mel'kuvad oma tetabad. Matkazi hätken ani kuti hänen lähine Du Fu-runokirjutai-sebranik (tegiba tundmust vl 744). Li Bon runoiden südäiolend kosketi siloižen kitajižen ristitkundan elon kaikid polid.

Li Bo oli sündnu elokahan torgovanan kanzha. Vižvozne prihaine sirdi kazvatajidenke Cinlän'sänha (nüg. Czänju-lidn Sičuan'-agjas, Kitain suvipäivlaskm), siš kanz oti car'kodin «Li»-kanzannimed. Tuleban aigan runokirjutai sai kodiopendust, zavodi kirjutada runoid kümnevoččes igäs.

27-vozne mez' matkazi i tuli Hubei-agjaha. Hän azoti siš i nai, oti imperatoran enččen ministran vunukašt akaks, sündutihe lapsid. Eli An'lu-mägiden pautkil perehenke, no eskai se ei voi sidoda Li Bod, i hän lähteb kodišpäi. Vl 742 runokirjutai oli ezitadud Suan'czun-imperatoran tanhale i sai akademišt üläarvod Han'lin'-akademijas. Radoi läz kaht vot tanhaližeks runokirjutajaks. Sen jäl'ghe Li Bo matkazi Kitaidme elon lophusai. Legendarižen versijan mödhe, humalahne runokirjutai lanksi Gusi-jogehe (Janczin ližajogi) venehespäi i upsi.