Ed Sheeran

El só stiłe muzegałe no'l ga mai subìo partegołar deviasion artìsteghe, bazà prevałentemente so ła mùzega pop co ełementi folk, soul e contemporary R&B, oltra a forte influense derivanti da ła mùzega tradisionałe irlandeze. El ga otenjùo grando suceso e popołaridà in America de'l Nord, Oseania ed Europa, soratuto inte'l Renjo Unìo, só paeze nadałe, indove el ga infranzesto racuanti record de vendite.

Ed Sheeran

(2018)
Biografia
Nasimènto	(en) Edward Christopher Sheeran [[Categoria" was not found. (33 ani) Halifax (Inghiltera) (it)
Dati personałi
Formasion
Altura	1,72 m
Cołor dei oci	Cełeste
Cołor de caveji	Cavejo roso
Atività
Ocupasion	[[Categoria" was not found.
Atività	2004  –
Zènare	Folk tradisionałe, folk pop (it) , pop, folk, hip hop e rap
Voze	Tenor
Instrumento muxegałe	Chitara, voze e live looper (en)
Targheta discogràfega	[[Categoria" was not found.
Fameja
Pare	John Sheeran (en)
(2021)  MTV Europe Music Award al miglior artista di sempre (it) (2021)  MTV Europe Music Award a ła mejo canson, premià par Bad Habits (2019)  BRIT Awards (2018)  Grammy Award alla miglior interpretazione pop solista (it) , premià par Shape of You (2018)  Grammy Award al miglior album pop vocale (it) , premià par ÷ (2018)  ECHO Awards (en) (2018)  BRIT Awards (2016)  Grammy Award alla canzone dell'anno (it) , premià par Thinking Out Loud (it) (2016)  Grammy Award alla miglior interpretazione pop solista (it) , premià par Thinking Out Loud (it) (2015)  Brit Award for British Male Solo Artist (en) (2015)  Favorite Pop/Rock Male Artist (en) (2015)  Brit Award for British Album of the Year (en) , premià par X (it) (2012)  Brit Award for British Breakthrough Act (en) (2012)  Brit Award for British Male Solo Artist (en)  membro dell'Ordine dell'Impero Britannico (it)  Play Button di Diamante (it)
Sito web	edsheeran.com
edsheeran

Inte'l 2011 l'artista el ga firmà un contrato discogràfego co ła Asylum Records, soto ła cuałe el ga razonzesto ła fama intarnasionałe co'l só terso àlbun +, sertifegà sete volte disco de platino in Renjo Unìo, indove el ga in zonta pasà 200 setemane inte ła Official Albums Chart. Daspò aver conpìo sporàdeghe aparision inte l'àlbun Red de Taylor Swift, nonché inte'l rełativo tour mondiałe, inte'l 2014 el ga publegà X, che'l ga suparà el suceso de l'àlbun presedente, vendendo oltra 10 miłion de copie a łiveło globałe, rezultando l'àlbun pì vendessto de l'ano e concuistando ła sima de łe clasifeghe muzegałe de 15 Paezi, tirà dai singołi Sing, Don't, Thinking Out Loud, Bloodstream e Photograph, devenjeste de łe vere e propie hit intarnasionałe. Inte'l 2017 A ze stà ła volta de ÷, anca eło de grando suceso comersiałe, grasie soratutoa do dei sincue estrati, Shape of You e Perfect, che i ga guidà l'àlbun verso ła prima pozision dei majori marcà muzegałi. El rełativo ÷ Tour ła ze revełada ła tournée pì reditisia e vista inte ła storia de ła mùzega, co un incaso de pì de 737 miłion de dołari e un pùblego de 8,5 miłion de parsone, suparando el U2 360° Tour dei U2. Co oltra 150 miłion de dischi vendùi a łiveło globałe, de cui 84,5 miłion de copie sertifegàe inte i sołi Stati Unìi, el ze inte ła łista dei artisti muzegałi co mazori vendite de ła storia.

Parsona asé ativa inte'l suporto de łe asosiasion benèfeghe, Sheeran el ze prezià anca par łe só cuałità de scritor e conpozidor, tanto da èsar devenjesto autor de brani par diversi artisti. Fra i numarozi premi vinti, ghe ze 4 Grammy Award e 6 BRIT Award.

Drio ła rivista statunitense Forbes, co un patrimonio parsonałe stimà in 57 miłion de dołari (corespondenti a 47,8 miłion de euro), inte'l 2015 Ed Sheeran el ze stà ła 27ª sełebrità pì rica de'l mondo. Inte l'apriłe 2017 el ze stà invese insarìo da'l setimanałe Time infrà łe 100 parsonałità pì influente de'l pianeta. Segondo łe statìsteghe de Spotify, Sheeran el se ga pozisionà segondo intrà i artisti pì scoltài inte i ani dieze.

Ed Sheeran el ga vivesto i primi ani de ła só vita a Hebden Bridge, inte'l West Yorkshire, prima de trasferirse a Framlingham, Suffolk. Só pare, John Sheeran, el ze un curador d'arte. Só mare Imogen Locka ła ze na designer de zogełi. El ga un fradeło pì grando, Matthew, che'l conpone mùzega clàsega. I só noni da parte de'l pare i jera irlandezi e el ze stà educà drio ła rełigion catòłega . El ga inparà a sonar ła ghitara presto asé e el ga cominsià a scrivar canson durando ła só permanensa inte ła Scoła Thomas Mills High de Framlingham.

I recordi de ła prima infansia, ai cuałi Ed Sheeran el rifarimento in un'intarvista a'l Zane Lowe Show, i include el scolto de Van Morrison inte i só numarozi viaji a Londra co i só zenidori e un conserto co Damien Rice in Irlanda, cuando che'l gaveva 11 ani.

Prime publegasion (2005-2011)

Sheeran el ga tacà rezistrar inte'l 2005, publegando inte'l marso de l''isteso ano l'EP de debuto The Orange Room EP, a cui ga fato sèito i primi do àlbun in studio de'l cantante, intitołà Ed Sheeran e Want Some? e venjesti fora respetivamente inte'l 2006 e inte'l 2007 traverso ła Sheeran Lock.

Inte'l 2008 el se ga trasferìo a Łondra par far conserti, partindo in łocałi granfato picołi, sonando onji zorno, par non pì de sincue parsone; inte l'isteso ano el ga fazesto anca na audision par ła serie tełeviziva Britannia High. Inte'l 2009 el ga publegà You Need Me EP par po' ndar in tour co Just Jack, mentre inte'l meze de febraro de l'ano drio Sheeran el ga mandà un video traverso SB.TV, che ga portà el rapper Example a chiédarghe a Sheeran de ndar in toru co łu. Datorno a st'ùltemo parìodo, el cantante el ga infinaménte publegà Loose Change EP.

Inte'l meze de apriłe 2010, dopo ver łasà ła só vecia caza disogràfega, Sheeran el ga cronpà un biłieto par Los Angeles, onde el ga sonà in vari łocałi de ła sità, fazendose notar da Jamie Foxx, che ło ga invità a restar caza soa e rezistrar par el resto de'l só sojorno in Całifornia. Par tuto el 2010 Sheeran el ga scumisià a otenjer senpre pì vizuałizasion so YouTube e ła só fanbase ła ga cresesto co łu, otenjendo credito anca da'l cotidian The Independent inte'l Renjo Unìo. El ga publegà altri tri EP inte'l 2010, tra cui Ed Sheeran: Live at the Bedford e Songs I Wrote with Amy, che'l ze rancura de canson d'amor che'l ga scivesto inte'l Galles co ła cołega cantaudora Amy Wadge.

L'8 zenaro 2011 Sheeran el ga publegà el só ùltemo EP independente, No. 5 Collaborations Project co raprezentasion de vari aristi tra cui Wiley, JME, Devlin, Sway e Ghetts. Co st'altro EP, Sheeran el ga vadanjà l'atension par aver razonzesto ła prima pozision so iTunes sensa nesuna promosion o eticheta, vendendo oltra 7 000 copie inte ła prima setemana. Tre mezi dapò, Sheeran el mete so un spetacoło a graits par i fan a'l Barfly de Camden. Oltra miłe spetadori i ze ndài védar el spetacoło, cusì Sheeran el ga finìo par sonar in cuatro dieversi conserti par asegurarse che tuti i podese védar un conserto, tra cui un conserto in strada daspò che'l łocałe el gaveva serà. Pì tardi, Sheeran el ga firmà un contrato co Asylum Records e Atlantic Records.

+ (2011-2013)

El 26 apriłe 2011 Sheeran el ga ciapà parte a'l programa tełevizivo muzegałe Later... with Jools Holland, durando el cuało el ga cantà el brano The A Team. Sie setemane drioamn The A Team l'è stà publegà come download dizitałe inte'l Renjo Unìo. El ze stà el primo singoło estrato da +, terso àlbun in studio nonché el primo publegà traverso ła Atlantic Records. The A Team el ze entrà inte ła clasifega britànega a ła pozision nùmaro 3, vendendo oltra 58 000 copie inte ła prima setemana. L'è stà premià cofà singoło de debuto pì vendùo de'l 2011. Durante na intarvista de'l programa ingleze BBC Introducing al Glastonbury Festival Sheeran el ga anuncià che You Need Me el sarìa stà publegà el 28 agosto 2011 cofà segondo singoło estrazesto da l'àlbun.

Inte'l 2011 el ga cołaborà co ła boy band anglo-irlandeze One Direction, scrivendo el brano Moments, insarìo inte'l àlbun Up All Night. Sheeran el ga cołaborà da novo co'l grupo a ła stezura dei brani Little Things e Over Again, inserìi inte l'àlbun Take Me Home. El 4 zunjo o 2012 el ga sonà a'l conserto de'l zubiłeo de diamante deElisabetta II de'l Renjo Unìo, de frente Buckingham Palace.

El 12 agosto 2012, durante ła sarimonia de serada de ła XXX Edision dei Zoghi Ołìnpeghi, el ga cantà Wish You Were Here dei Pink Floyd. El 2 setembre 2012 el ga partesipà a l'iTunes Festival 2012. L'11 setenbre 2012 l'è stà nomenà ai MTV Europe Music Awards par ła categoria Best UK & Ireland Act. El 9 novenbre 2012 l'è venjùo fora so YouTube el video ofisiałe de'l singoło Give Me Love, mentre inte'l desenbre sucesivo The A Team el ze stà candidà par el premio canson de l'ano ai Grammy Awards 2013.

Inte'l 2013 Ed Sheeran el ze l'autor de I See Fire, canson orizinal par el film Lo Hobbit - La desolazione di Smaug; inte l'isteso ano el ze in tournée co Taylor Swift inte'l só The Red Tour, come cantante de vertura inte i Stati Unii e Canada (76 tape). Inte'l 2014 el ga da novo partesipà a'l The Red Tour sia inte'l Renjo Unìo che in Zarmania, insieme ai The Vamps, che ga verto i conserti de Swift inte'l Renjo Unìo. Senpre inte'l 2013 el ga cantà ła canson scrita co Swift, Everything Has Changed, a ła finałe de Britain's Got Talent. El 1º apriłe de'l steso ano A ze stà publegà Head or Heart de Christina Perri, inte'l cuało ze prezente el brano Be My Forever, reałizà in doto co l'isteso Sheeran.

X (2014-2015)

 

El 4 apriłe 2014 Sheeran el ga anunsià el titoło de un novo singoło, intitołà Sing e che'l ga antisipà ła publegasion de'l cuarto àlbun in studio de'l cantante, intitołà X e publegà el 23 zunjo. El 21 majo 2014 el ze ospite inte'l programa tełevizivo The Voice of Italy indove el ga cantà Lego House e Sing co'l Team Noemi. Inte'l 2014 el ze stà autor de All of the Stars, canson prensipałe de ła cołona sonora de'l film Colpa delle stelle.

El 2 desenbre 2014 A ze stà publegà par el download dizitałe el singoło inedito Make It Rain, utilłizà come brano prensipałe par ła dodezèzema pontada de ła sètema stajon de ła serie tełeviziva Sons of Anarchy. In azonta el se ezibse a'l Victoria's Secret Fashion Show cantando Thinking Out Loud. Verso el fenir de'l 2014 A ze stà revełà che X l'è rezultà èsar el terso àlbun pì vendùo inte'l mondo co oltra 8,5 miłion de copie.

Inte'l 2015 l'àlbun X el ga resevùo do candidature ai Grammy Awards 2015 inte łe categorie Album of the Year e Best Pop Vocal Album e l'8 febraro 2015, el cantante el se ga ezibìo a ła sarimonia co Thinking Out Loud. El 14 de'l steso meze el ze stà intrà i ospedi de l'ùltema serdada de'l Festival de Sanremo 2015, durante el cuało el se ga ezibìo co Sing e Thinking Out Loud. La promosion de X ła ze seità co ła publegasion de na nova varsion de'l brano Bloodstream, rejistrada insieme a'l grupo drum and bass britànego Rudimental e publegada el 27 febraro, e da'l cuinto singoło Photograph. Inte'l steso parìodo, Sheeran el ga cołaborà da novo co i Rudimental par ła reałizasion de'l brano Lay It All on Me, estrato come singoło inte'l meze de setenbre, e co Justin Bieber a ła conpozision de'l brano Love Yourself, venjesto fora come singoło el 9 desenbre de'l steso ano.

El 25 otobre 2015 el ga conduzesto insieme a Ruby Rose i MTV Europe Music Awards 2015, vinsendo eło medemo do premi. Inte l'isteso meze, el ze stà protagonista de'l documentario Jumpers for Goalposts, zirà durante i tre conserti tenjùi a'l Wembley Stadium; el documentario l'è stà publegà el 13 novenbre 2015 in formado BD co'l titoło de Jumpers for Goalposts - Live at Wembley Stadium, oltra a venjir includesto in formado DVD inte ła riedision de X, denomenada Wembley Edition.

El 7 desenbre 2015 A ze stà revełà che Sheeran, co pì de 3 miłiardi de streaming, el ze devenjùo l'artista pì scoltà de senpre so Spotify.

÷ (2015-2018)

El 12 desenbre 2015, na volta ultemà el tour in promosione a X, Sheeran el ga anunsià un parìodo de pauza da łe sene muzegałe, durando el cuało el projetarà łe łaorasion rełative e a'l cuinto àlbun de inediti: A ciaparò na pauza da'l tełefono, da łee email e dai social network par na scianta de tenpo: i ùltemi sincue ani i ze stài manjifeghi, ma a un serto ponto go descoverto de aver vardà el mondo atraverso un schermo, e non co i me oci. L'àlbun el ze drio rivar e el ze ła cosa mejo che gabia fato fin deso. Se vedemo el pròsmeo autun, e grasie par èsar stài incredibiłi., op. cit.

Dapò scuazi un ano de pauza, el 30 novenbre Sheeran el ga partesipà a un evento benefico par tuti i putełi recoverài inte l'ospeałe  East Anglia's Children's Hospices di Londra. 

El 1º zenaro 2017 el ga revełà so Twitter publegasion de na nova mùzega prevista sincue zorni pì tardi IEl 6 de zenaro ze stà infati publegài i singołi Castle on the Hill e Shape of You. L'isteso zorno, in un'intarvista radiofònega a BBC Radio 1, el cantante el ga confermà łe specułasion revardo a'l titoło de l'àlbun, ÷, e drioman el ga comunegà che'l sarìa stà publegà el 3 marso 2017.

 

 

No. 6 Collaborations Project (2019-2021)

El 10 majo 2019 A ze stà publegà I Don't Care, singoło reałizà in cołaborasion co'l cantante canadeze Justin Bieber e che gavarìa antisipà el sesto àlbun in studio di Sheeran. El singoło el ga debutà in sima a ła clasifega inte'l Renjo Unìo, in Australia e in altri paezi, e a'l segondo posto de ła Billboard Hot 100 statunitense; par zonta, el ga debutà so Spotify co 10.977 miłion de stream globałi zornałieri, suparando el record de streaming in un'ùnega zornada de ła piataforma presedentemente detenùo da All I Want for Christmas Is You di Mariah Carey.

El 31 majo ze stà publegà el segondo singoło Cross Me, che ga visto ła partesipasion vocałe de Chance the Rapper e PnB Rock e che ga debutà a ła nona pozision inte'l Renjo Unìo. Ultariori singołi publegài prima de l'àlbun i ze stà Beautiful People (co ła partesipasion de Khalid) el 28 zunjo, Best Part of Me (co ła partesipason de Yebba) e Blow (co Chris Stapleton e Bruno Mars), entranbi publegà el 5 łujo .

= (2021-prezente)

 

El 25 zunjo 2021 el ga publegà el singoło Bad Habits, primo estrato da'l só sètemo àlbun =, in usida el sucesivo 29 otobre, che'l ga razonzesto ła sima de łe clasifeghe muzegałe de 35 paezi de'l mondo, tra cui ła Official Singles Chart britànega, andove el ga mantenjùo ła pozision par ùndeze setimane consecutive; inte i Stati Unii d'America el ze invese rivà a'l segondo posto de ła Billboard Hot 100.

Ultariori singołi distribuìi inte'l parìodo antesedente a'l disco ze stài Visiting Hours e Shivers, el segondo dei cuałi el ga spodestà Bad Habits dalla vetta della Official Singles Chart co na vendita pari a 59 181 unidà. Come cuarto singoło A ze stà estraesto Overpass Graffiti, venjùo fora in concomitansa co l'àlbun, el cuało el ga debutà in sima a łe clasifeghe muzegałe de vinti paezi de'l mondo.

Drioman el ga rendesto disponibiłe i singołi Merry Christmas e The Joker and the Queen, respetivamente in cołaborasion co Elton John e Taylor Swift. El ga cołaborà anca co Camila Cabello a'l singoło Bam Bam.

Inte'l 2022 el pùblega el dopio singoło Sigue/Forever My Love insieme a J Balvin mentre el 25 apriłe el pùblega 2step come sètemo estrato de'l sètemo àlbun in studio =. Dopo aver resconntrà in enorme suceso mondiałe co 2step, Ed Sheeran cołabora con serti artisti a serti singołi tra cui: Are you Entertained, Noche de Novela, e Groundwork.

Ed Sheeran el ga subìo tre cauze par plagio. La prima ła ło acuza de aver copià diversi ełementi de'l brano Let's Get It On de Marvin Gaye, par ła conpozison de Thinking Out Loud. A ghe ze in corso un proseso penałe, co'l fin de rechiédarghe a Sheeran na sansion econòmega par plagio.

Ła segonda de aver plagià el singoło de'l 2011 Amazing, intarpreàt da'l cantante britànego Matt Cardle, par ła conpozision de'l brano Photograph; inte l'apriłe 2017 ła cauza par plagio ła se sera co un patejamento vołesto da'l steso Sheeran, i cui estremi no i ze po' stà rendesti noti.

ła tersa acuza ła ze rełativa a l'aver copià ła mełodia de No Scrubs de'l grupo TLC par conponer el brano Shape of You. Dopo aver a'l prensipio negà ła somejansa, el cantante britànego el ga desidesto de zontar inte i crediti ofisiałi de'l brano depozitài a l'ASCAP anca Kandi Burruss, Tameka Cottle e Kevin Briggs.

I primi recordi de Sheeran i include l'ascolto dei dischi de Joni Mitchell, Bob Dylan e Elton John. Segondo Sheeran, l'àlbun che'l ło ga introduzesto a ła mùzega el zera de Van Morrison. Durando ła só infansia, só pare el ło portava a védar dei conserti che i gavarìa ispirà łe só creasion muzegałe. Tra cuesti ghe jeraa Eric Clapton a ła Royal Albert Hall, Paul McCartney a Birmingham e Dylan. So l'influensa de Clapton, Sheeran aferma: "Ła ze ła razon par ła cuała A go tacà sonar ła ghitara". El ga visto ła performance de Clapton a'l Party inte i zardini de Buckingham Palace: "Gavevo ùndeze ani co go visto Eric Clapton sonar a'l Queen Golden Jubilee Concert inte'l zunjo 2002. Recordo che'l caminava so'l palco co cuesto arcobałen e el sonava el primo riff de "Layla".

El ga anca sità i The Beatles, Nizlopi ed Eminem come łe só pì grande influense muzegałi. Segondo Sheeran, el ga avùo dei coconesi inte i só descórsi cuando che'l zera pì zòvane, e el ghe ga atribuìo el merito a'l rap de Eminem The Marshall Mathers LP par averlo jutà a łibararsene. El ze stà anca ispirà da'l cantaudor Damien Rice inte'l 2002; Sheeran el declarava: "vedendoło sonar so'sto picoło club in Irlanda, A go podesto incontrarlo, e ze stà incredibilmente beło. Go scumisà a scrìvar canson, no gavarìa fato cueło che son drìo far deso se el fuse stà un mona". El ga anca sonà ła ghitara par l pì grando àlbun dei Westlife co'l gaveva sèdaze ani, sitandołi come una de łe só influense. Sheeran el ga cołaborà co'l só idoło Eric Clapton inte l'apriłe 2016, come da eło mèdemo declarà a ła revista People, cantando inte l'àlbun I Still Do.

A l'inisio de'l 2011, daspò che'l se ga segurà ła rezistrasion e ła publegasion de l'àlbun, Sheeran hel g conprà e restruturà na fatoria visin Framlingham, ninte'l uffolk, dindvve el ze stà rresùo. Durantdoiel2013 helvga vivesto ta Hendersonville, Tennessee e Los Angeles, in California. NInte'l2 014 helcga conprà na caza inte'l sudd de Londra.

Inte'l 2012 Sheeran el ga avùo na relasion co la condutora scoseze Nina Nesbitt (aparìa inte'l videoclip de Drunk), prima de ronper. Nesbitt el ze el sojeto de łe canson de Sheeran Nina e Photograph, mentre ła major parte dei brani contenjùi inte l'àlbun de Nesbitt, Peroxide, i parla de Sheeran. Inte'l zenaro 2014 Sheeran el ga avùo na re asionccoAthina Andrelos (che lłora par elchef Jamie Oliver), a ła cuałe Sheeran el se ga ispirà par ła conpozision de'l singoło Thinking Out Loud; accubia ł se ga separà inte'l febraro2015. Da łujo 2015 Sheeran ga invià na re asionaco l'amiga d'infansiae ex comapanja de clase de łe scołe supariori Cherry Seaborn, spozandoła inte'l 2018. I do i ga avùo ł so prima fia inte'l2020.

El cantaudor el ze infinamente amigo ìntemo de ła cantaudora Taylor Swift.

Inte'l łujo 2018 arieista Forbes ła ga insarìo Sheeran a'l nono posto inte ła łista de łe sełebrità pì pagàe. Drio ła łista dei richi de'l Sunday Times de'l 2019, Sheeran el ga un patrimonio de'l vałor de 160 miłion de sterline e l'è stà insarìo a'l 17º posto cofà muzisista pì rico de'l Renjo Unìo.

Sheeran el ga tenjùo un conserto a Bristol, che'l ga rancurà 40 000 dołari par un ente de beneficensa che'l se inderisa a prostitute de strada. A'l revardo, el cantante el ga declarà: A ze beło mostrarghe a łe istitusion che 'ste parsone łe ze reałe, co emosion vere e che merita l'isteso łaoro de beneficensa de chisesia altro. A ghe ze racuante organizasion de beneficensa asé popołare che reseve tanta atension e co serte materie cofà st'altre łe vien speso łavàe e łe parsone no łe da ła só atension che łe merita., [[#CITEREFA ze beło mostrarghe a łe istitusion che 'ste parsone łe ze reałe, co emosion vere e che merita l'isteso łaoro de beneficensa de chisesia altro. A ghe ze racuante organizasion de beneficensa asé popołare che reseve tanta atension e co serte materie cofà st'altre łe vien speso łavàe e łe parsone no łe da ła só atension che łe merita.|op. cit.]]

El 15 novenbre 2014 Sheeran l'è entrà fart parte de'l grupo de beneficensa de Band Aid 30 insieme ad altri grupi pop britàneghi e irlandezi, rejistrando na varsion de'l brano Do They Know It's Christmas? a'l Sarm West Studios de Notting Hill, Łondra, par rancurar forndi par l'epidemia de virus Ebola de l'Àfrega osidentałe. 

Inte'l novenbre 2015 Sheeran el ga sostenjùo ła canpanja No Cold Homes de l'ente benèfego britàenego Turn2us. Sheeran el zera una de łe trenta sełebridà, che includeva Helen Mirren, Jeremy Irons e Hugh Laurie par donar artìgołi de vestidi invernałi a ła canpanja, co'l recavà doparà par jutar łe parsone inte'l paeze che łe łotava par mantenjer calda ła só caza in inverno.

Sheeran el conpra speso i só vestidi in negosi de benefisensa intorno a Suffolk, ła só patria. El ze inbasador de l'Hospice par putełi de l'East Anglia, el ga donà àbiti a'l negosio de benefisensa St. Elizabeth Hospice inte ła so sità nadałe Framlingham; camiza scoseze indostda a Sheeran cuando che'l ga incontrà el parsonajo Renée Zellweger, Bridget, in Bridget Jones's Baby, ła ze stà mesa a l'asta online inte'l 2016 par rancurar ultariori fondi par l'ospisio.

Sheeran el ze aparìo inte un epizodio a novenbre 2017 de Gogglebox insieme ad altre sełebrità de'l Renjo Unìo come Ozzy Osbourne, Liam Gallagher e el leader de'l Partìo Laburista Jeremy Corbyn come parte de Channel 4 e Cancer Research UK, par ła canpanja de rancura fondi Stand Up to Cancer.

 

Resitasion

Sheeran el ga fato el so debuto come ator inte'l 2014, in un roło cameo come se steso inte ła soap opera neozełandeze Shortland Street, zirato cuando che'l zera inte'l paeze par na performance. Inte'l majo 2015 el ze aparìo come se steso e el se ga ezibìo inte un epizodio da'l vivo inte ła sitcom Undateable. Pì tardi cheł'ano, mentre che'l zera in Austrałia, el ga rezistrà sene par asoap opera Home and Away, come pearsonazobbazà so te sess.

Daspò aver rezistrà na reintarpretasion de Make It Rain de Foy Vance par Sons of Anarchy, Sheeran el ze stà sernìo da'l creador Kurt Sutter par intarpretar Sir Cormac inte'l drama medievałe The Bastard Executioner su FX. Sheeran el ze aparìo inte'l film de'l 2016 de Bridget Jones's Baby in una sena in cui Bridget Jones, intarpretada da Renée Zellweger, incontra el cantante a'l Glastonbury Festival.

Inte'l łujo 2017 Sheeran el ze aparìo inte na sena de Game of Thrones co Maisie Williams, che interpreta Arya Stark. David Benioff ga spiegà che da'l momento che Williams ła zera na granda fan de'l cantante, i vołeva che Sheeran aparise inte'l show par sorprendar Williams, e che i gaveva sercà de farlo entrar par ani.

Inte'l 2019 el interpreta se steso inte'l film Yesterday de Danny Boyle.

Gingerbread Man Records

Inte'l marso 2015 Sheeran el ga anunsià ła creasion de l'eticheta discogràfega Gingerbread Man Records grasie a un acordo co ła Warner Music Group. L'eticheta ła ze stà łansada inte l'agosto 2015 insieme a'l rełativo canałe YouTube. Jamie Lawson, el primo artista che ga firmà co l'eticheta, el ga incontrà Sheeran mentre i zera entranbi inte'l sircuito folk de Łondra. Lawson el ga publegà el só àlbun de debuto omonemo el 9 otobre 2015, che ghe ga vałesto ła prima pozision de ła Official Albums Chart britànega. Sheeran el ga firmà el só segondo artista, Foy Vance, inte'l novenbre 2015.

Par savèrghene de pì, vardarse ła voxe Discografia di Ed Sheeran.

• 2006 – Ed Sheeran
• 2007 – Want Some?
• 2011 – +
• 2014 – X
• 2017 – ÷
• 2019 – No. 6 Collaborations Project
• 2021 – =
• 2023 – −
• 2023 – Autumn Variations

• 2013/14 – + Tour
• 2014 – X Tour
• 2017/19 – ÷ Tour
• 2022/23 – Mathematics Tour

Sinema

• Vite da popstar (Popstar: Never Stop Never Stopping), rezìa de Akiva Schaffer e Jorma Taccone (2016)
• Bridget Jones's Baby, rezìa de Sharon Maguire (2016)
• Yesterday, rezìa de Danny Boyle (2019)
• Star Wars: L'ascesa di Skywalker (Star Wars: The Rise of Skywalker), rezìa de J. J. Abrams (2019)
• Red Notice, regia di Rawson Marshall Thurber (2021)

Tełevizion

• Shortland Street – soap opera, epizodio 23×56 (2014)
• Undateable – serie TV, epizodio 2×07 (2015)
• The Bastard Executioner – serie TV, 5 epizodi (2015)
• Home and Away – soap opera, epizodio 1×6275 (2015)
• Il Trono di Spade (Game of Thrones) – serie TV, epizodio 7×01 (2017)
• Modern Love – serie TV, epizodio 1×07 (2019)

Dopiador

• I Simpson (The Simpsons) – serie anemada, epizodio 29×10 (2018)