Ed Sheeran: Cantautor inglés

Firmou un contrato coa discográfica Asylum / Atlantic Records. Sheeran saltou á fama no mes de xuño de 2011, cando o seu primeiro single "The A Team" debutou nas listas británicas co número 3.

Ed Sheeran

(2018)
Biografía
Nacemento	(en) Edward Christopher Sheeran 17 de febreiro de 1991 (33 anos) Halifax, Reino Unido (pt)
Datos persoais
Residencia	Londres
País de nacionalidade	Reino Unido
Educación	Thomas Mills High School (en) Academy of Contemporary Music (en)
Altura	1,72 m
Cor dos ollos	Azul
Cor do pelo	Rubio
Actividade
Ocupación	cantautor , cantante , compositor de cancións , actor de cinema , actor , músico , guitarrista , actor de televisión
Período de actividade	2004 -
Xénero artístico	Música tradicional, folk-pop (pt) , música pop, folk, música hip hop e rap
Lingua	Lingua inglesa
Tesitura	Tenor
Instrumento	Guitarra, voz e live looper (en)
Selo discográfico	Asylum Records Atlantic Records Elektra Records
Familia
Pai	John Sheeran (en)
Premios (2021)  MTV Europe Music Award for Best Artist (en) (2021)  MTV Europe Music Award para Melhor Canção (pt) , premiado polo traballo Bad Habits (2019)  Brit Awards (2018)  Grammy Award para Best Pop Solo Performance (pt) , premiado polo traballo Shape of You (2018)  Grammy Award para Best Pop Vocal Album (pt) , premiado polo traballo ÷ (2018)  ECHO Awards (en) (2018)  Brit Awards (2016)  Grammy Award para Song of the Year (pt) , premiado polo traballo Thinking Out Loud (pt) (2016)  Grammy Award para Best Pop Solo Performance (pt) , premiado polo traballo Thinking Out Loud (pt) (2015)  Brit Award for British Male Solo Artist (en) (2015)  Favorite Pop/Rock Male Artist (en) (2015)  Brit Award de Álbum Britânico do Ano (pt) , premiado polo traballo X (2012)  Brit Award de Artista Revelação (pt) (2012)  Brit Award for British Male Solo Artist (en)  membro da Orde do Imperio Británico  Diamond Play Button (pt)
Páxina web	edsheeran.com

Edward Christopher Sheeran é fillo dunha irlandesa e un inglés. Viviu na súa vila natal antes de trasladárense a Framlingham, en Suffolk. Aprendeu a tocar a guitarra cando era moi novo, e comezou a compor cancións mentres asistía á Thomas Mills High School en Framlingham. Na súa infancia, da que falou nunha entrevista no show Zane Lowe, escoitaba a Van Morrison nas súas innumerables viaxes a Londres cos seus pais e asistiu a un concerto de Damien Rice na Irlanda cando tiña 11 anos.

2005–2011: Comezos non comerciais

Sheeran comezou a gravar en 2005, o que o levou a producir o seu primeiro EP, The Orange Room EP. Alén diso, Ed realizou 2 álbums, un homónimo en 2006 e Want Some? en 2007. Trasladouse a Londres en 2008 para ofrecer algúns concertos, que ao comezo realizáronse en pequenos locais, nos que tocaba todos os días e para non máis de cinco persoas. En 2008, fixo unha audición para a serie da canle ITVBritannia High.^{[Cómpre referencia]}

En 2009, Sheeran tocou en 312 concertos. Dixo que lera unha entrevista con James Morrison na que dicía que Morrison actuara en 200 concertos nun ano, e Sheeran quería superar o seu número. En 2009, lanzou outro EP, You Need Me, xusto antes de saír de xira con Just Jack. En febreiro de 2010, Ed enviou un vídeo vía SB.TV, que chamou a atención do rapeiro Example , que lle pediu para facer un xira con el. Ademais, en febreiro de 2010 publicou o seu aclamado EP Loose Change , que incluía o seu éxito "The A Team".

En abril de 2010, despois de abandonar a súa discográfica, Sheeran mercou un billete para Os Ánxeles. Tocou en moitos dos locais da cidade, antes de chamar a atención de Jamie Foxx no The Foxxhole, que o convidou a ficar na súa casa e a gravar ao día seguinte. Ao longo do ano 2010, Sheeran comezou a ter máis éxito por medio da súa canle en YouTube e a súa páxina de fans, obtendo crédito do xornal The Independent , do capitán de fútbol inglés Rio Ferdinand e de Elton John. O cantautor realizou outros dous EPs en 2010; Ed Sheeran: Live at the Bedford e Songs I Wrote With Amy, o cal é unha colección de cancións de amor que escribiu en Gales con Amy Wadge.

2011–actualmente: Álbum debut

O 8 de xaneiro de 2011, Sheeran produciu o seu último EP independente, No.5 Collaborations Project que contou coa colaboración de artistas de grime como Wiley, JME, Devlin, Sway e Ghetts. Con este EP, chamou a atención para alcanzar o posto número 2 na lista de iTunes sen ningún tipo de promoción ou selo, vendendo máis de 7.000 copias na súa primeira semana. Tres meses máis tarde, actuou nun concerto gratuíto para os seus fans no Barfly en Camden. Máis de 1.000 fans acudiron á cita, polo que Ed Sheeran acabou por tocar en catro concertos diferentes para ter a certeza de que todo o mundo tivera a oportunidade de ver un dos seus espectáculos. Mesmo tocou na rúa despois de que o local pechara as súas portas. Nese mesmo mes, Sheeran firmou un contrato coa Asylum / Atlantic Records.

O 26 de abril, fixo unha aparición na televisión no programa musical Later... with Jools Holland – onde tocou a súa canción "The A Team". Despois de seis semanas "The A Team" foi lanzado para a súa descarga dixital no Reino Unido. Este canción empregouse como primeiro single do seu álbum debut, titulado + – publicado pola Atlantic Records o 12 de setembro de 2011. "The A Team" entrou nas listas británica co número 3, vendendo máis de 58,000 copias na súa primeira semana. Foi premiado por ser o single con máis copias no ano 2011.

Durante unha entrevista no programa BBC Introducing durante o Glastonbury Festival 2011 o 28 de agosto, Sheeran anunciou que "You Need Me" sería o segundo single do seu álbum.

O 11 de novembro de 2011, a canción "Lego House" converteuse no terceiro single do seu álbum de estudio + . Alcanzou o número 5 nas listas de éxitos británicas. O videoclip da canción "Lego House" publicouse o 20 de outubro de 2011 na súa canle de YouTube. Foi protagonizado polo actor de Harry Potter Rupert Grint.

LPs e Album en directo

• + (2011)
• Live at Bedford (2011)
• x (2014)
• x Wembley edition (2015)
• ÷ (2017)
• No.6 Collaborations Project (2019)
• = (2021)
• = Tour Edition (2022)
• − (2023)
• Autumn Variations (2023)

EPs

• Loose Change (2011)
• No. 5 Collaborations Project (2011)
• 5 (2014)
• No. 6 Collaborations Project (2019)

Ligazóns externas

• Interview