Sudan

Dezanbìgua – Se te serchi la rejon giografica, védarse Sudan (rejon)

El Sudan, ufisialmente, ła Republica del Sudan (in arabo جمهورية السودان الديموقراطية) el xe on Stato de la Africa oriental, inte el Corno d'Africa.
El confina co ł'Egito a nord, ła Łibia a nordovest, el Ciad a ovest, ła Republica Sentrafricana a sudovest, el Sud Sudan a sud, ł'Etiopia a sudest e ł'Eritrea a est; el se afacia sol Mar Roso a nordest.

Sudan

جمهورية السودان (ar)
Bandiera Stema
Ino	Nahnu Jund Allah Jund Al-watan
Bomò	«النصر لنا»
Pozision
15°N 32°E / 15°N 32°E15; 32Coordinae: 15°N 32°E / 15°N 32°E15; 32
Continente	Africa
Capitałe	Khartoum
Popołasion
Totałe	40 533 330 (2017) 298 330 (2015)
Densità	21,49 hab./km²
Demònemo	sudanezo, sudanezi, sudaneza, sudaneze
Idioma	àrabo inglezo
Speransa de vita	64,486 (2016) 0,229 (2015)
Zeografia
Parte de	Nordàfrica
Àrea	1 886 068 km²
Ponto pì alto	Deriba Caldera (it) (3 042 m)
Ponto pì baso	Mar Roso (0 m)
Rente a	Sud Sudan Bir Tawil (it)   Lìbia   Eritrea   Ezito   Repùblega Sentrafricana   Etiòpia Mèdio Oriente   Ciad   Kenya (–2011)   Repùblega Democràtega del Congo (–2011)   Uganda (–2011)
Prima mesion documentada	Sudan Anglo-Egizian
Organizasion pułìtega
Forma de goerno	repùblega federałe
Òrgano lejislativo	National Legislature (en)
Presidente del Consejo miłitare de tranzision	Abdel Fattah Abdelrahman Burhan (it) (12 de apriłe del 2019)
Primo Ministro del Sudan	Abdalla Hamdok (it) (21 de agosto del 2019)
Ìndaze de Democrasia	2.54/10
Menbro de	Organizasion de łe Nasion Unìe, Union Africana, Liga Àraba, Organizasion de ła Confarensa Islàmega, Banca Internasionałe par ła Recostrusion e Desviłupo, Asociasion Internasionałe del Desviłupo, Corporasion Finansiària Internasionałe, Organismo Multilaterałe de Garansia dei Investimenti, Sentro Internasionałe de Regołamento de Difarense Rełasionae ai Investimenti, Banca Africana del Desviłupo, Stati de l’Àfrica, dei Caràibi e del Pasìfego, Banca Araba par el Desviłupamento Econòmego de l'Africa, Fondo Arabo par el Desviłupamento Econòmego e Sociałe, Fondo Monetàrio Àrabo, Interpol, Organizasion par ła Proibision de łe Arme Chìmeghe, UNESCO, Grupo de Oservasion de ła Tera, Union Postałe Universałe, Union Internasionałe de Tełecomunicasion, Organizasion Internasionałe de Protesion Siviłe, Organizasion Meteorołòzega Mondiałe, Organizasion mondiałe de ła sanità, Consejo African dei Bajiji e Organizasion Mondiałe de łe Dogane
Economia
PIL nomenałe	34 229 513 775 $ (2021)
Persentuałe IVA	17 %
Ìndaze de desviłupamento oman	0,508  (2021 )
Moneda	sterlina sudaneze
Banca sentrałe	Banca Sentrałe de Sùdan
Taso de dezocupasion	15 %
Coefisente de Gini	34.2/100
Còdazi de identifegasion
ISO 3166-1	SD SDN 729
Fuzo oràrio	UTC+2 UTC+3 Àfrica/Khartoum
Domìnio de primo liveło	.sd
Prefiso tełefònego	+249
Tełèfono d'emerzensa	999
Preza ełètrega	Europlug e tipo D
Istòrego
← Sudan Anglo-Egizian
Sito web	sudan.gov.sd…

El nome del Sudan vien da l’arabo Bilad es Sudan, che vol dire "paexe de i neri".
Bisogna parò tegnar conto che sudan, in arabo, ga anca el significà de "sciavo": el Sudan xe sempre stà un serbatoio de s-ciavi par i marcati de l’Arabia e del Maghreb.

Par savèrghene de pì, vardarse ła voxe Zeografia del Sudan.

El ga na superfisie de 1 886 068 km².

Ghe xe qualche montagna al confin con l’Uganda.

Tuto el Sudan fa parte del bacin idrografico del Nilo. El Nilo entra inte el Sudan a Nimul, al confin con l’Uganda; el forma le paludi del Sudd e riceve le acque del Nilo Azuro a Khartoum; el riva al confin con l’Egito traversando la Nubia.
La costa l’è longa sirca 600 km.

El nord del Sudan l’è desertico, mentre el sud ga savane e foreste.

Par savèrghene de pì, vardarse ła voxe Storia del Sudan.

Antighità

Da ricatamenti archeologici se sa che el Sudan xe sempre stà abità da i tempi preistorici.

El Sudan l’è nomenà ne la Bibia col nome de Kush.
El regno de la Nubia, inte el sud de l’Egito e el nord del Sudan de ancò, xe stà un regno potente. I Nubiani gavea acetà la cultura egizia, e i xe stà lori a reconquistar l’Egito dop che i Hyksos, popołasion semita de la Assiria, gavea ocupà el baso Egito. La Nubia xe el vero paexe de le piramidi, ghe ne a bizefe.

I romani no ga mai ocupà el Sudan, ma i ga mandà de i grupi de esploratori che i ze arivà in tel nord de l’Uganda e ga lassà na descrizion de le paludi del Sudd.

Inte el III e IV secolo d.C. el cristianesimo xe rivà in Sudan, portà da misionari del nord Africa e del Medio Oriente.
I regni de Makuria, Nobatia e Meroe i ga acetà ła nova fede e oncora ancùo se pol vedar i resti de le cexe e dei palazi de sti re.

Inte el 640, quando i arabi i ga tentà de conquistar el Sudan, i re cristiani ga resistio. El condotier Abdallah ibn Saad no l’è stà bon de vinsar e ga sotoscrito un tratato de pace che xe resistìo fin al 1275.

Inte el 1276, i Mameluchi che controlaa l’Egito i ga atacà la Nubia n’antra olta conquistando Dongola, la cavedal de Makuria. I arabi ie entrà inte el nord del Sudan, ma no ga podesto andar in tel sud parchè ghera la mosca tse-tse che ghe dava problemi a le bestie.

Modernità

Inte el 1820, l’Egito atacò n’antra olta el Sudan par sicurarse el marcà dei sciavi.

I misionari catoleghi ga tentà varie olte de far rinascar la fede cristiana in tel nord, ma i no ghe mai reussidi.
Nei ani cinquanta del 1800, i misionari veronexi del don Nicola Mazza ie riussìi a ndar in tel sud.

Inte el 1882 Muhammad ibn Abballa se dichiarò el Mahdi e ga conquistà tuto el nord del Sudan. Dopo verghe conquistà Khartoum, el Mahdi xe morto zoino.
El so sucesor, Khalifa, ga governà el Sudan fin che i inglexi ie riussìi a vinsar la bataglia de Omdurman (1898).

Co sta vitoria, i inglexi ga ciapà el controlo del paexe. Nominalmente i lavoraa co i egisiani, ma i veri paroni iera lori.
I inglesi gavea na regola: divide et impera, anca in Sudan, i inglexi ga diviso el paese in zone de influenza. I permetea el lavoro de i misionari, catoleghi e protestanti, inte el sud, sora-de-tuto par far scole e svilupar la zona. Ma i europei no podea lavorar libaramente al nord.

Indipendensa

El Sudan xe divantà indipendente inte el 1955.

Subito dopo, el sud ga scominzià la prima guerra civile parche i sudisti no volea star soto el nord, ma partecipar a la vita del paese in modo paritario ai musulmani. Inte el 1964, el governo musulmano del nord ga espulso tuti i misionari. che lavoraa al sud.
Inte el 1969, Gaafer Mohamed Nimeiri ga fato un colpo de Stato sostenù da i comunisti.
Sta guera andò vanti fin al 1972, quando el acordo de Addis Abeba fu firmà dai i rapresentanti del sud e del nord.

La paxe no la andò vanti par tanto. Nimeiri l’era un ditator che volea impor la lege islamica su tuti, anca i cristiani; no ghera gnanca libartà de stampa e de movimento.

Inte el 1983, i soldai del sud che stava a Bor ga fato un amutinamento, scominsiando la seconda guera civil. El leader del sud xera John Garang che ga guidà la revolta fin a la fin del 2004.
Inte el 1989 co un colpo de Stato, el soldà Omar Hassan Ahmed el-Bashir el ga asunto el governo. El-Bashir ga continuà con la pułìtega de oprexion de le popołasioni marginali.

Dal 2003 la guera del governo la va anca contro el Darfur.
El governo central paga i i milisiani arabi janjaweed par copar la gente e distruzar i vilagi del Darfur. La comunità islamica no la dixe niente parchè ga interesi pułìteghi, econòmeghi e anca parchè i darfuriani xe musulmani, ma neri e quindi considerai manco importanti de la popołasion arabizada del nord.

Inte el janaro 2005, i acordi de pace, relativi a la guera intra nord e sud, ie stà firmà a Nairobi.
El 30 de lujo del 2005, Garang l’è stà copà e Salva Kiir, el so vice, l’è diventà presidente del sud e vice-presidente del Sudan.

El 9 de lujo 2011 el Sud Sudan el xe diventà indipendente.

Atualmente el Sudan el xe na republica presidensiałe ma tegnù da na giunta miłitare.
El governo de Khartoum l’è guidà da Omar Hassan Ahmed el-Bashir.

La capital xe Khartoum.

Etnie

Al nord ghe xe tribù nere arabizate: la xente se considera de cultura araba.

Inte el Darfur ghe xe tribu’ nere.

Al sud i popoli ie in majoria nilotici. I grupi majori xe i denka, i shilluk, i bari, i zande. Ghe anca grupi come i acholi che se cata anca in Uganda.

Religion

La majoria de i sudanesi xe musulmani (60%).
Le religioni tradisionali le xe sevie dal 27% de la xente. I cristaiani i xe el 14% (i catoleghi xe el 13%).

Łéngue

Al nord la xente usa la łéngua araba.

•  
  munti Mara, a ovest
•  
  diga de Merowe so el fiume Niło
•  
  area portual de Porto Sudan
•  
  sito istorego de Meroe